|
الله يوفقك ياختي ويرزقك من فضله الكريم
انا مالي خبر بالدبلومات والاخ سعودي ما قصر - بقولك عن تجربتي وعن المجالات الى ممكن تتوظفين فيها اذا معك دبلوم او بكالوريس انجليزي
شوفي انا معي بكلوريس انجليزي من كلية التربية جامعة القصيم ومثلي كثير دفعتي انا كانو فوق 200 بنت اكثرنا معدلاتهم مرتفعة بين امتياز وجيد جدا الاكثريه جيد جدا بكل صراحة اكلات هواء ومن عام 1430 ماتوظف الا بنات ينعدون على الاصابع والاوائل على الدفعة يعينونهم معيدات فى الكليات والباقي كلو ينتظر التوظيف الحكومي من سنين والى الان ماشرف وحتى مافي احتياج للغة الانجليزيه كامعلمات على مستوى السعودية بس مطلوب بحدود 200 معلمة واكثر الوظائف فى قرى الجنوب من المملكة القصيم يبي بس بحدود 6 معلمات فقط
هذا التعليم وطبعا اذا انتي انجليزي ماتدخلين المفاضلة التعليمية لازم يكون معك شهادة من كليه التربيه او دبلوم تربوي اي بنت لو معه شهادة انجليزي جامعية من اي جامعات المملكة وماهي تربوية مايوظفونها كمعلمة الا ماندر او يكون عندها دبلوم تربوي
============================
بالنسبة للوظائف المتوفرة فى القطاع الخاص المستشفيات تطلب مترجمات وبسهوله هذى الوظيفة متوفره وانا وحده انعرضت علي فى الحبيب ورفضت لاني واهلي محافظين جدا وهالنوع من الوظائف مايناسبنا هو مايعني ان الوظيفة مو زينه بالعكس زينة وراتبها بحدود 5000 الالف وفيها خبرة ممتازة بس انا ماتناسبني
فى عندك ممكن تتوظفين فى معاهد اللغات وش كثره فى القصيم بس قبلها بيسون لك اختبار للغة والتمكن دواماتهم على حسب فى فتره وفي فترتين اذا فترتين الراتب 3000 الالف وشوي وممكن مع الوقت يزيد
هذى المجالات الي اعرفها ولعل غيري عنده معلومات اكثر او اماكن غير
-----------------------------------
ونصيحه خذيها مني اتوكلي على الله وادرسي واجتهدي فى الدراسة وحاولي انك تحبين اللغة وتستمتعين فى دراستهاقبل ماتفكرين بالمستقبل والوظائف وكل شي بوقته حلو وكلن ورزقة شدي حيلك واتبعي طموحك
آخر من قام بالتعديل حرك تبلش5; بتاريخ 21-12-2012 الساعة 10:12 PM.
|