[حرك تبلش5]

اقتباس المشاركة الأساسية كتبها متأملة...... مشكورة حرك تبلش.....صبغتي اسود فاحم...ابغى اصبغه فاتح مره..........احس صعبة

اول حاجه بقولك وش يعني سحب صبغة وش الماده الى يستخدمونها ؟
شفتي التشقير حق الحواجب هذى هي مادة سحب الصبغة انتي شفتي كيف شعر الحاجب يقلب لونه اصفر بعد فترة ويصير خشن زي كذا بيصير لشعرك زود على كذا بتلاحظين نفس الشعره تتكسر من تحت كل ماسرحتي شعرك غير التساقط غير المعاناة لما تغسلين شعرك لازم بلسم وحمام زيت وبهذله مالها اول ولا اخر
وبعد اذا سحبتي لون شعرك ثقي تماماً ان اي صبغه تصبغينها ماراح تمسك بالشعر بالكثير بتستانسين بلون شعرك سواء بني او اشقر اسبوعين الى 3 اسابيع بالصبغة الجديده وبتضطرين تصبغين من جديد لان لون سحب الشعر البايخ يبان لانه مستحيل الشعر مسحوب اللون يمسك الصبغة اكثر من شهر بعد كذا تطير الصبغة وترجعين تصبغين وتصبغين ويزيد التلف فا نصيحه لوجه الله انسي فكرة سسحب لون الشعر الا اذا فى راسك لوك الشعر الاشقر الفاتح جدا وعندك حب المغامره فهنا اقول استودعي الله على شعرك وسوي الى يرضيك وتحملي النتايج
==================================================
صبغة الاسود وعن تجربه تنزل بعد 6 شهور هنا فقط تقدرين تفتحين درجة اللون بدون سحب وعلى فترات قبل كذا لاتفكرين تصبغين او تفتحين الصبغة السودا ثقيله على الشعر الشعر واذا تفتح فجاءة يدمره
المهم لان دامه مصبوغ اسود انسى فكره الصبغ على الاقل اول 6 شهور بعد 6 شهور بتكون نزلت الصبغه شوي وممكن يتفتح شوي و بالتدريج وعلى فترات ولك مطلق الحريه تروحين مشغل ولاتسوين الصبغة بنفسك

اذا بتسوينها بنفسك اول حاجه شعرك الان بيكون اسود فالازم يفتح شوي جيبي اكسجين 9 علبتين +ملعقه كبيره حمام زيت + من شركة كيلستون صبغه اسمها اشقر رمادي فاتح جدا علبتين اخلطيهم مع بعض وحطيه على شعرك مع تجنب الجذور لان الجذور بتكون شعر طبيعي ما جتها الصبغة السودا اذا حطيته على الجذور بيصير شعرك من جهه الجذور افتح من الاطراف اتركي الصبغه ساعه او اكثر ولاتخافي حمام الزيت بيحمي الشعر باذن الله ويقلل من ضرر الصبغة اخر 10 دقائق حطي من الصبغه على جذور شعرك وخلي احد يوزع لك الصبغة ويفرك كل شعرك حتى اللون يمسك واغسلي شعرك وشوفي النتجيه كان اللون جاز لك زين على زين مع التاكيد ان الدرجه الى بتطلع لك بين البني والبندقي موب اشقر رمادي مثل العلبة اتركيه فتره اسبوعين مع الوقت بتحسين شعرك صار افتح غسله بعد غسله اذا ماعجبك اللون فى لون اخر من كيلستون اسمه (بني فاتح رمادي)>هالصبغه اذا تفتح شعرك وصبغتيها بتدعين لي اول ماتصبغينها بتطلع لك بني غامق الى اسود وغسله بعد غسلة بيطلع لون شعرك ياخذ العقل بني فاتح ومتاكده الكل بيسأل عن درجه صبغتك بيطلع كانه لون طبيعي وحلو
-يعلم الله انى لك من الناصحين لاني مجربه كل مايخطر فى بالك من الصبغات حتي البنفسجي صبغته وبالاخير تعب شعري المسكين وقال ارحميني فصبغته خلاص بني فاتح رمادي +بني متوسط وعطاني لون شعر غامق انا ابيه لاني ناويه احمل ومع الحمل مافي صبغات اكيد
-----------------------------------------------------------------
ملاحظة اي صبغة بدرجات البني سواء بني فاتح او غامق لابد تعطيك على اسود او ماتصبغينها هذا اذا شعرك مفتح لونه ومع الغسلات بيروح اللون الغامق اما اذا شعرك اسود وصبغتي بني ماله فايدة ابدا بيبقى اسود
تعبت وانا اكتب اتمنى انى افدتك ولاتنسيني من طيب دعائك بالذريه الصالحه