[O X Y G E N]

اقتباس المحل او العامل غير مسؤول عن خصوصياتنا الموجودة بالأجهزة فعلينا أن نتحمل كل ما ينتج عن ذلك كوننا أهملنا خصوصياتنا وسلمناها لغيرنا .. وعلينا أن نخدم أهلنا دون ذهابهم للمحلات الرجالية

يبدو أنك ماتعمقت في الموضوع .. راح اشرح لك وأكون أكثر وضوح ..

أولا .. هل جوالك أنت على معرفة في كل البرامج الي فيه وكيف تشغيلها ؟؟ بالطبع لا ، لان باليوم ينزل كم برنامج وهالبرنامج له تشعبات وربما ينسخ الخصوصية ويمكن يظل معك واحيانا يحدد موقعك او في حال صورت صوورة يرسلها لنفس الموقع أو تابع لأحد الاشخاص أو في حال الفورمات يضاف ايميل خاص بهالبرامج ويتم المراسلة فيه و و و و.. وابتل ..

ثانياً .. هل كل الناس لديهم أخوة ، وهل الأخوة جميعهم على علم في التقنية أو بالمثل يذهب للمحل ويسلمه الجهاز ويقول اضف لي هذا البرنامج أو راح ابيعه أو أو او من دون يفتش الجوال ويعرف وشالي بداخله ..؟

ثالثاً : هل النساء ماعندهم خصوصيات بالجوال صور قريباتهم او خواتهم او اشياء صعبة تعطيه اخوها أو زوجها أو أي شي خاص فيها من ارقام وباسوردات وغيرها ..

إذا المشكلة هي بعدم وجود المكان المخصص الي ممكن ترتاح وتضيف وتلغي وتشتري وتحمل البرامج بجهازها الخاص من دون لافلان ولا علان .. وفي مكان خاص بالنساء .. مثله مثل المشاغل ..

رابعاً .. أنا خصصت الموضوع للنساء ويكون مستقل وخاص فيهم .. بحكم أنهم المحارم .. وأن الرجل الصورة ماتعيب فيه والخصوصيات ايضا ماتعيب فيه .. ولأنهم الخط الأحمر .. طالبت بوجود محلات خاصة للحافظ على خصوصياتهم .. وايضا حنا كرجال لنا اخوات وزوجات وقريبات ، ومن واجبنا المحافظة على مكان خصوصيتهم طالما أنه لايتوفر .. والغرب بعد ماصنعت الايفون اغلقت خاصية البلوتوث لأنها تعتبره سرقة ، واذا كان تعتبر البلوتوث سرقة اجل لو تجي وتشوف طرقنا في البرامج والفورمات وغيرها ..

خامساً .. الرجال بالغرابيل يلقى واحد مايلعب عليه في محلات الجوالات ، وواحد من الأصدقاء استبدل جوال ايفون قديم الى فايف جديد ، وقبل مايستبدله شرط على راعي المحل يفرمت الجهاز عن طريق برنامج .. ورفض وحاول يلف ويدور راعي المحل .. ولما اصر على الفرمته ، قال ماعندي مانع بس راح ينزل من سعره بحكم أن الجلبريك غير موجود الحين وانا ابغاه بالجلبريك والبرامج .. فطلع من المحل وراح لمحل ثاني وفرمته بمبلغ وقدره بس عشان يتخلص من الملفات الي فيه .. وهذا دليل على أن محلات الأجهزة البعض منهم لاذمة ولاضمير أهم شي يكسب ..

رابعاً .. ذكرت الارشيف ، وقلت لك أن مثل هالاشياء مواقع رسمية ويجب علينا الثقة مثلها مثل الهيئة والاتصالات وحتى البنوك والجوازات الاشياء هذي تعتبر خدمات رسمية واكيد لها سياستها على المحافظة على الخصوصيات ، مثل منتداكم واكيد لكم سياستكم للمحافظة على خصوصيات الآخرين واكيد لكم عواقب كما غيركم له عواقب وبإمكانك تسئل وتستدل بالموضوع ..

أخيراً .. هنالك اشخاص لو تنسى جوالك بالأرض جاه شغف انه يفتشه وانت صديقه ، فمبالك بالي تجيه باليوم عشرات الاجهزة ويجلس عنده لساعات طويلة ، يعني ماراح يجي بباله التفتيش ، وحتى لو نقول فيه بعضهم ذمة وضمير ، ولكن من الطبيعي بتتوقع العكس وشفنا كيف الابتزازات ..

فالحل وجود محلات خاصة للنساء تنزل وتصلح جوالها عند هالحريم بكل اريحية وكل ثقة وتتاكد من المسح وفي مكان ممكن تدخل مراقبات الهيئة وبنفس الوقت الرجال يرتاحون ويكون عذر أفضل من اذا وديتهم للمول يروحون لهالمحلات الي غير مضمونة خصوصا وان بعض الحريم تعطي الجوال الاطفال وخذ تصوير ، وشوف المقاطع في الانترنت والاجهزة وكيف الفضايح كله بسبب عدم وجود مكان مخصص والمكان المخصص يصير فيه اخذ وعطى وتزود الثقافة والأمان ..