[زيلـ]

اقتباس المشاركة الأساسية كتبها حربي عابر دربي شف وانا اخوك انت تقول تثقيف وتبي العلم الاكيد اسمع من الكلمتين وانت بكيفك اذا قال زيل انا من قبيلة الزيالية وان اصولنا ترجع للقبيلة واقسوم واحلوف وحنا وحنا........ الخ الكلام طبعا انت خطبت بنت الحلال قام ابو البنت وسئل واحد من القبيلة فلان وش رايكم به يقول انه ابناخيكم قال ابوالشباب جحيد والله لاهب منا ولاحنا منه - تسذوب لايقربك ابوالبنت راح وسئل كم واحد من قبيلةالزيالية قالوا مهب منا ولانعرفه ولانعرف جد جده الخامس عشر طيب انت عندك اثبات والا شي يقول ان جدك يوم يجي لبريدة كان كذا واسمه فلان من الفلانيين ال فلان ...الخ الفلانيه قبل فترة طلعوا لنا ناس يقولون حنا قحاطين وهم معروفين انهم غير قبيليين وهم بالاصل عارفين اسمع من ذي سمعت من شايب كبير مد الله في عمره يتكلم بالمجلس يوم جاء طاري واحد من الي يدعون انهم شيوخ وقبيليين يقول انه شافهم يوم دخلوا بريدة كانوا على بعاريين ووسمهم وسم الصلب واليوم شيوخ ومناسبين عوايل اسمع ذي فيه وحدة بالمنتدى تدعي انها حفيدة فاطمة الزهراء وهم عبيد الاشراف - يعني فيه فرق بين حفيدة وبين عبد للاشراف هذي لقب وهذي نسب الخلاصة قولوا الي تبون وانتسبوا للي تبون لكن خافوا الله ولاتنتسبون لغير ابيكم لاتغشون الناس بالنهاية اذا القبية الي منتسب لها الشخص اقروا وشهدوا له بانه منهم وبهم نقول صحيح وغير ذلك جحيد رئيي الشخصي اي عائلة لاتنتسب للقبيلة مباشرة او تشهد لهم القبيلة بصحة دعواهم فـ النتيجة واضحه اغديك فهمت زبدة كلامي وانا اسف ان كنت جرحت احد لكن هي شهادة قلتها للعلم والاحاطة وليست عنصرية ولا تشمت فالانسان باخلاقه ودينه لا بنسبه

كل حرف قلته يثبت اهميه موضوعي وان كلامي من اوله لاخره صح في صح

واللي يقول لا يوجد هالنوعيه يشوف حربي نموذج

مشكله حربي ومن يؤمن اننا غير قبليين مصادرهم كلام مجالس وسوالف مالها اصل من الصحه

شوفوا كيف مصادرهم عنا حكي مجالس

اقتباس سمعت من شايب كبير مد الله في عمره يتكلم بالمجلس يوم جاء طاري واحد من الي يدعون انهم شيوخ وقبيليين يقول انه شافهم يوم دخلوا بريدة كانوا على بعاريين ووسمهم وسم الصلب واليوم شيوخ ومناسبين عوايل

الحين عرفتوا ان موضوعي له اساس وعرفتوا اني ما قصدت الا تصحيح هذي المفاهيم

هذا حربي بيننا بهذا المنتدى ولكن مع الاسف يشكك في الاصول

وعلشان كذا شفنا حربي متضايق من الموضوع جدا من اول رد له !!!