[قصيمي رحال]

.

هلا والله وغلا . . بالغالي أبو ابراهيم


تراك ما غبت عن البال كان حنا غايبين


. . .

وش فيك على هالبنيات . . ذولي مسيكينات وضعوف

. .

هم سمعوا إنهم من ضلع أعوج . . بيدورون من وين يتعدل

والله من البلاوي عند هالحريّم . . !!!

أنت تدري إنه لو ما يسولفن . . مو بتسكر المجد 9

إلا شركة الإتصالات تسكر . .

تدري إنه . . بغى يطيح علي ولد جارة مزنة البراهيم على سيكل أخوه صالح

عاد بتكلم مزنة على خويته نورة . . وخذ يا سواليف . . !!

لازم تشرح وشلون بغى يطيح بالتفصيل . .

وإذا بغت تنتهي من السالفة تفطنت إن السيكل قديم حق أخوه الصغيّر من زمان وناوين يشرون غيره . .

لأن الولد مو راضي بالقديم . . ( الحمد لله انتهت السالفة )

وبعد إصرار من الولد مستعجل بيدق بيجر على خويه - بيجر !! وين وين - قصدي جوال

بتسكر السماعة . . قالت مع السلامة 6 مرّات ، تذكرت حلم شافته البارحه . .

وتسولف بهالحلم وتأول الحلم إن بنت نورة حامل بولد . . يمكن ولد وإلا بنت الله العالم إنه بنت . . لا لا ولد

ويالله لا ولدت حداهم قايلتن له

ومالكم بالطواله ( حرق الرز . . وراحوا خويا الولد للكشته ونسوه . . ودخل أبوهم وهي تقول مع السلامة للمرة 13 )



.