اللي على اليمين أبو خالد الركيان مدرس الحاسب شخص محبوب من الجميع - العبودي مدرس الرياضيات , كنت اجيب عنده 0.50 من 10 هههههه لكن بيض الله وجهه دفنا بالدرجات - أبو ابراهيم الحواس من أفضل المدرسين اللي مروا علي وشجعن لدخول التخصص اللي انا فيه الان (طبعا مثل تخصصه) ما انسى السواليف اللي بالفصل , أول مره اشوفه لابس غتره وثوب شتوي بالعاده شماغ وثوب ابيض ههههههههه
ذكريات جميله أتمنى ان تعود
أبو سليمان هههههههه كان اذا حمق يحط حيله بالكراسي يطلعهن من الفصل,اذكر مره مافيه بالفصل الا 4 اشخاص الباقين مابين متأخرين وغايبين , حط حيله بالكراسي ولا بقي الا نص الكراسي بس (الله يسعده ويوفقه)
اذا شفت او تذكرت هذا الانسان الرائع اتذكر كلمته (يا رجال)
أبو عبدالله السويل ,, أفضل مدرس رياضيات مر علي , يدخل المعلومه غصب براسي وتثبت , الى الحين اذكر اول درس بأولى ثانوي ( تنتمي , لا تنتمي , جزئية وغير جزئية)
يوسف العبيدان , ماشاء الله الابتسامه ما تفارق وجهه البشوش ابد , ولا مره شفته غاضب
اللي على اليسار هو أبو جهاد العييدي مدرس اللغه العربيه , اذكر مره حمق علينا ولا عاد دخل علينا مادري وراه !!
لكن من أطيب الاشخاص على كوكب الارض
هذه ذكرياتي معهم قبل 4 سنوات