|
أقول بس لايهمونك اللي يقولون ما يحتاج تكاليف ماتكاليف
الواحد مايتزوج الا مرة بالعمر ومادامك تحملت الكثير من التكاليف ماله داعي تخرب فرحة العرس عشان مبلغ بسيط على الأقل تصير عندك ذكريات جميلة موب كل ماتذكرتوا العرس قالت ايه بس تراك ما جبت لي هدية
وبعدين اللي يقولون تكاليف ان كانكم متكاثرين البيت والأثاث تراه لك قبل مايصير له وانت نفسك بترتاح ببيتك اذا كان متكامل وبتكون واثق من نفسك وسعيد
وان كانكم متكاثرين المهر تراه واجب من رب العالمين مالك منه والواحد منكم يدفع 100 الف بسيارة حديد ولا ينزعج ولا يتكاثره وهي بعد سنه ماتجيب نصف قيمته ولاتعدونه خساره بينما تكاثرون 50 الف وتنوحون وتولولون على امرأة تشاركك حياتك وتسعدك وتربي اولادك وتحفظ بيتك
انتم بس فكروا بهالطريقة وشوفوا كيف تغير حياتكم الحياة ماهي صراع بين المرأة والرجل لا الحياة تضحية من المرأة والرجل
|