[مدحت شوقي بريده]

ماشاء الله ..
طااااااااااااااااب الكيف ..
ياهلا والله وغلا ..


طاب الخاطر يسأل عن السياراااااااااااااااات ..
تصدق يالبي احس انك من كثر مواضيعك بالمنتديات ..
انك تروح وتجي مع الاسلاااااااااك ..
يعني ماتقدر تطلع من النت ..

يالبي قل آميــــــــــــن ..
الله يجعلك تدخل الجنة من اوسع ابوابه ..
الله لايحرمك اجر ماكتبته ونفعة بوه المسلمين ..
اسئل الله العلي العظيم العزيز القدير أن يجعلك أتمرغ ببرحة بالجنة ..

يالبي يابعدي من حبي لك ودي اجغف الشاشة اذا شفت اسمك ..
بس اخ تجين لصعة من ام مصطفى مع علبااااااااااااااتي ..


عاد يالبي بالنسبة لمعرض اليحي ..
أين يقع هذا المعرض .. <<(((== تدري ان ماعنده سالفة هالدبشة المصري ..

يالبي أنا حبيت انثر اللي بقلبي لك .. والا السيارااااااات والمعارض ماعندي بهن علم ..
اخبر لك الشريطي فااااااااااااااادي ..

تخيل شريطي واسمه فااااااااااااااااااااادي .. والله ياهي ماتجي بعد ..
الا تصدق يمكن تجي .. يصير شريطي بحراج التبوله والحمص والا بسوق الزيتون ..

يالبي هذا فاااااااااااااااادي الله مير يسلمك يوم بغا يسافر ويطلع من المملكة ..
تدري وش قالوه العسكري ..
قالوه .. اهلا فيك ببلدك الثاني ..
طبعاً ادري انك تبي تسأل منهوا فاااااااااااااادي ..
فاااااااادي هذا يالبي خوينا العضوا ابولجين .. ماشاء الله عليه ابيض يلق تقول شامي ..

تصدق عااااااااااااااد انه من بياضه طالعن شفاف ( ماااائي ) ..
يعني عااادي تشوف اللي يمشون وراو مايغطي عليك ..
اذا وقف قدامك مايحتاج تقولوه وخر تكفى ابشوف .. عاااااادي تشوف من خلااااله ..
<<((== لاتفوتك ( من خلالالالااااااله ) ترى اللي بجنبي قاعدن يكتبه وقريته وسرقته منه ..


أدري ياطااااااااااب الكيف ..
شكلك تقول وش هالبلشة لاعاااااااااااااادت على هالجيب .. ياليتي ماسألت ..
عااااد ابقولك أنا ( الجيب .. وا المخباااااااات )
المخ .. بات ... والا المخ امرح ..
امرح والا افرح ..
<<((== اف رح .. هذا واحد قاعدن يترجى مديره بالعمل يبي يطلع .. يوم عيا مديره يطلعوه ..
قام ابو الشباب واطلق قذيقفة خلفية .. وسد المدير خشمه وقاله .. اف .. رح ..
يعني فارق عنا ..

يالبي لاتزعل علي ..
اليوم عندي حيوية ونشاط ومسكت عليك بهالرد ..

مير عندي لك سؤال ياعدب تسبدي انت ..
ماشاء الله عليك احس انك مطوع وملتزم بالحيل ..
ماتخبر لي مسجد .. ودي اصير مؤذن .. شكلك رجل محترم والكل يحترمك ويقدرك ويسمع كلااااااامك ..

أنا قلت لواحد دور لي مسجد ودي اصير مؤذن .. وقال الصراحة يامدحت فيه مؤذن مسجد بحارتنا بتلة يغيب يوم الجمعة الظهر عن المسجد .. وش رأيك كل ظهر جمعة تجي ائذن ..
قلت ابشر يالبي ..
وأجيك يوم الجمعة مبسوط ومستاااااااااااااااانس سابح ومتطيب ولابسن سراول طويل وشراب وكنادر الكورة اللي يلمعن ..

وادخل المسجد الساعة 12 الظهر وامسك المكرفون واقعد أأذن ..
يوم انتصفت بالآذااااااااااان وأشوف اللي داخلين علي بالمسجد شايبين ومعهم عسكري ..
ويقولون شوفوه هذا السكران ..

ويجرونن للقسم وواحد من الشيااااااااب يهوش علي يقول لي ليه تاذن أنت تحسب ان المسجد مابوه مؤذن ..
قلت يالبي واحد من اخوي قايل لي انك يوم الجمعة الظهر ماتجي .. وجيت ابئذن عنك ..
قال ياثور يادبشة هذا مسجد فروض وحنا ظهر الجمعة نروح للجامع ..

قال العسكري خلوه بس هالحين انلين لك جلدوه ..
علشان نخليه مره ثانيه مايطب المسجد الا بالتحيات ..
عااااااااااااد يالبي عقبه هونت اصير مؤذن بالنيابة .. ابي مؤذن رسمي ..


وش رايك تكفى رد علي ..

ويسلموا يالبي ..

ونااااااااااااااااااااااااسة ..