[الزنقب]

اقتباس المشاركة الأساسية كتبها ألق الفجر الأبناء الحين يسعون خلف كماليات لا تقدم ولا تؤخر، ما يكتفون بأشياء بسيطة تسير بها حياتهم، لا. يبغون من الاشياء أفخمها وأجملها وأحسنها، يبغون جوالات جديدة، يبغون تقشير بشرة تبغى تركب تقويم وهي ما فيها ألا العافية، تبغى اسبوعيا تروح للسوق عشان ملابس وأغراض بالأخير مستواهم الجامعي متدني وتخصصهم يؤهله للجلوس بالبيت عشر سنوات قدام. ^ البطالة أنا بسألك عنها يالزنقب. يعني وشي الوظايف اللي نبغاها حنا الشباب؟ القطاع الخاص بالمحلات يعطونك إلى خمس الاف وست الاف إذا كنت متفرغ وإذا منت متفرغ الرواتب لا تقل عن 3 الاف وتوصل 4 الاف وتوصل 5 الاف بعد لو تبي. ^ الزواج ومشاكله يا أخي أن المجتمع حتى الحين ماهم راضين يطلعون من راسهم فكرة الإسراف بالزواج. يا أخي بسالك يالزنقب وين المشكلة لو كان المهر 10 الاف؟ ليش الذهب يا أخي اللي تشتريه ليش تجميع الملابس كأنها حملة إغاثة ماهو زواج تخيل يالزنقب كنت بموقع للزواج موثوق وأثناء البحث بالموقع وقعت على شروط إمرأة ممن يتقدم لها، أن يهديها الورد دائما (!!)

مرحبا بك


1 - صحيح الترف والركض وراء الكلماليات هو السبب

2 - عبدالكريم بكار يقول ان الدارسه اليوم ما يصلح فيها الا التميز .. فاذا كان تعليمك

متميز حصلت وظيفه والا فلا وهذا هو التحدي الي فرض نفسه على الشباب

3 - انا انصح الشباب دائما بإن يجرب نفسه بالبيع والمشترى والطقطقه .. واقول لهم

ان اجدودكم كانوا تجار في كل مكان فالقصمان تجار في كل انحاء المملكه بل انهم تجار

في الشام ومصر ايام اعقيلات .. فالقصيمي وبدون مجامله ذكي وحريف بيع وشراء

واجددنا يا حرفيه يكدون ويعملون في الزراعه والصناعات الخفيفه او انهم تجار

يبيعون ويشترون . وانت تعرف ان عجلة الزمن تدور .. يعني مسأله الوظائف هذي

راحت لانها صارت ايام الطفره ..



4 - اما مسأله الزواج والاسراف فيه وعدم تأهيل البنات والعيال للزواج فهذه مشكلة

المشاكل ورغم ان الكثير يتكلم عنها ويوجه الناس ولكن الناس مكانك راوح مافيه

اي جديد .. ولا ادري متى الناس يتركون هذه العادات القبيحه ..


تقديري