[ألق الفجر]

متصفحة جزاك الله خير
اختي ياللي طالبة وظيفة مثل ما قالت الأخت متصفحة المنتديات ماراح تحصلي حاجة فيها

راح اقولك الشغلة باختصار
روحي بنفسك للمعاهد النسائية او اي مكان نسائي واستفسري من الإدارة بنفسك لا تتصلي عليهم
روحي بنفسك لهم وقدمي نفسك لهم وقولي انك تبغين وظيفة ومعك ملفك وخليك حبوبة معهم لأنك انتي اللي محتاجة الوظيفة مش هم


انا بتكلم لك عن نفسي وانا شاب ومجالات الشباب بالتوظيف كثيرة اكثر من البنات تخيلي مره كنت رايح للسنيدي ابغى وظيفة كاشير وكانوا بحاجة لموظفين تقدمت لهم وقالوا تعال بالليل وانا جالس اعبي الأوراق دخل علينا واحد شاب وسألهم/ عندكم وظايف؟ انا اتصلت عليكم قلتوا ماعندنا وظايف.
من خلال اسلوبه بالكلام توقعت ماراح يوظفون لأسباب

1^ يكلمهم بالتلفون ما جاء لهم بنفسه
2^ يوم دخل المكتب ما سلم عليهم ولا صافحهم وكان يتكلم بصوت مرتفع عليهم
3^ سألهم على طول عندكم وظايف؟
ماراح يقولون لك ايه عندنا تعال نبي نوظفك هم دايم يقولون لنا نتصل عليك.
انا عن نفسي ما اخليهم يتصلون علي انا اتصل عليهم قبل لا يتصلون علي ابين لهم اني حريص على الوظيفة
ومره ازعجت الادارة ازعاج بالاسبوع مرتين اتصل بالاخير وظفوني براتب يصل الى 6 الاف بوظيفة مسائية مع اني مخالف للقوانين لانهم مايبغون طلاب جامعيين


هذي تجربتي مع التوظيف وانا اتمنى اساعدك بأكثر من كذا واعتذر منكم جميعا اذا طولت