|
شكرا هيئة الامر بالمعروف في الصفراء ,,, هذا ماحدث معي
توجهت صباحا الى فيتا وهذه القهوه مخصصه للعوائل فقط ومكتوب على الباب
عند الدخول هناك كانت شبه ممتلئه ويوجد هناك مكان لي ولعائلتي ,,,
اثناء الجلوس دخل مجموعه من الشباب لا اعرف بالضبط لكني اسمع اصواتهم ممكن عددهم اثنين
وطلبا من مسؤول القهوه الدخول للافطار مع انهم ذكروا انه للعوائل لكن يبون منه يغض الطرف ويدخلهم يفطرون وللاسف دخلوا !!!
انا سمعت اللي صار لان مكاني جنب المحاسب علطول
صحيح الشباب ماصدر منهم اي اصوات او ازعاج للعوائل لكن المكان مزدحم عائلات وحريم ويمكن فيه حريم لحالهم بدون محرم
تضايقت وقررت اكلم الهيئه لهذا التسيب من مسؤول القهوه
ماكان معي ارقامهم بحثت في النت من خلال الجوال ووجدت موضوع حاطين ارقام الهيئه
اتصلت على هيئة الصفراء حاولت اشوف اقرب مركز لكن مو موضح اماكنهم لانه يكتب مثلا هيئة الفاروق لكن لقيت الصفراء واتصلت عليهم
اشكر الاخ اللي رد
كان رده راقي جدا وقلتله المشكله وعلطول عرف المكان وشكرني
خلال دقائق يمكن ماتتجاوز العشر حضر رجل الهيئه مشكور وانتهت المشكله
مادري وش صار بالضبط لكن يبدو ان المشكله انتهت بكل هدوء ودون اي مشاكل ابدا
الحاصل في الموضوع
الاخوان اللي يخلون الحريم يروحون مع السواقين لحالهم وواثقين في هالاماكن نتمنى منهم الانتباه والحرص وانا اشوف انهم اخوه لنا واحط نفسي مكانهم ,,,
حتى الشباب اللي دخلوا اسال الله لهم التوفيق وماكانوا سيئين لكن هذا النظام وواضح من خلال اللوحة
|