[فكــر]

موضوع جميل ..
واستأذن الكاتب الاجمل واضيف ,,

.

.
هذه القصيدة التي قالها شاعر نجد الكبير / محمد العبد الله القاضي , يمدح بلدته عنيزة وأهلها , وقد ولد فيها سنة 1224هـ وتوفي فيهاسنة 1285هـ رحمه الله ..

لعلّ برّاقٍ صدوقٍ خياله ** محنٍّ مرِنٍّ مرجحنٍّ وهطّـال
حين ارتكب كنّه شوامخ جباله ** مترادفٍ ذيله يجي سيله ارسال
لجبٍ الى ربرب ربابه صباله ** من الشرق نسّم ردّ الاول على التال
تشوف عياز المزن وقت احتماله ** ظبوقٍ بجنحان الخضاري له امثال
تنظر خشوم المزن يوضي بجاله ** صفايح الفضّه بصالوخ صقّـال
لكن طفاح الرباب اجتـوى له ** هجمة مغاتير حداهن خيّـال
كن الرعد به والبروق اشتعاله ** تتيبع اطواب الفرنجي الى صال
ونضناض برقه في مثاني خياله ** لانشّروا شرع المراكب بالادقال
الى هلّ طار غبار خدّه وشاله ** والتجّ وديان الوعر والسهل سال
يسقي مفالي ديرةٍ ضمّ جاله ** مايعجب الناظر بشوفه ويهتال
برباه حور العين يسحر جماله ** وحماه هو مربى الجوازي والاطفال
دارٍ لنا وادي الرمَـه هو شماله ** غربيّه الضاحي وشرقيّـه الجال
في روضةٍ شرْف المباني اقباله ** لجّـة غروسه دايرة تقل تفصال
غين وبساتينٍ ظليلٍ ظلالـه ** متمايلٍ كالدّوح شاملْـه الاقبال
فسايلٍ كالتين ياحيّ فـالـه ** وفواكهٍ فيها الثمر والحمل مال
كالليل ولا الحشر لجّـة محالـه ** ماها ومرعاها مزّي وسلسال
دارٍ لنجد مشرّعٍ كم عنا لـه ** راجٍ ومحتاجٍ ولاجٍ ونـزّا ل
والضيف هو ويّا الضعيف ارتكى له ** اكرام النفوس اهل القواعد والافعال
دارٍ يجير الجار به من جلاله ** ويشمل من الباري بها عزّ واقبال
دار النّدى دار السعد والشكاله ** ماساقت الخاوة للاول ولا التال
حموا حماها بالمراجل رجـاله ** لين اوحشوا من جا لجاله بالافعال
صالوا وصاطموا الدول دون جاله ** بحربٍ وضربٍ يسند العايل الى عال
برايٍ وتدبيرٍ وعقل وصمـالـه ** وصبـرٍ وتقديـمٍ وتوخـير الاحوال
بعزمٍ وجزمٍ كان هـمّـوا بقاله ** ماثمّـنوا او طاوعوا شور ذلاّل
فان برّكوا للراي شالت حمـاله ** زمل التخوت اللي يشيلون الاثقال
شالوا حمولٍ مايراوز مشَـالـه ** العفو مااصبرهم على كلّ الاحـوال
أخيار واشرار الى جا مجــاله ** وعقّـال في حالٍ وفي حال جـهّـال
عدامٍ شغاميمٍ كرامٍ سبـاله ** هم سورها وحماه كان الوحل حــال
يعجبك مرباع الغميس ان غدا له ** نور بنوّاره وبا ازهاره اشكال
ماحدّر الوادي وغرب شمالــه ** من وادي الروضـه الى خشمه العال
ومقيـا ظها حدّ الوعر من سهاله ** رامه ومهره والبريقا الى الجــال
أمٍ لنا من عقّـها من عيـالـه ** عِـدْم البصر والسمع والمال ورجـال
وصلّـوا على المختار ختم الرساله ** بازكى صلاة تبلغ الصـحب والآل
----------------------------------------------------



ملاحظه :
على ذكر الشاعر القاضي والاديب المشيقح للوادي الرمه ,, ومنطقه الغميس
اتمنى من اداره النقل والمواصلات
وضع لوحه ارشاديه للمدخل بريده الجنوبي بعد الوادي مباشرة

ووضع لوحه ارشاديه للمدخل بريده الجنوب الغربي في الطريق السريع القصيم المدينة
من بداية الغماس


شكرا للكاتب