[سعفة]

شكلك انت وجهك يا روح روحي ما توحي الشاعر الي يقول

نفسي على بريدة بالاشواق ،،،،، للقرعاء تكفي ولا السودة


شف سلمك الله لو أهمق وأقرق عليك ما اوفيت بهالديرة حقه
ومكاشيته ووناسته
سلمك ربي يا قلبي لامنه غيمت بريدتنا ورشت شوي سيل
ودك تكشت ولا قضيتو كاشتين تقش الجمايع وترسلهن بالبريد الالكتروني لم أبها تقول كبوهن هناك لا عادت على أبها والي يطبه ،،،، بس حنا الي يدعينا نروح لم ابها تراه زود الطمع وبالذات يا ألبي وقت الحر الواحد يقول هاه أغدينا نروح نغير جو شفت وشلون


أنا رجالن وان بغيت قل بزر
أحب الي يعطي الشي حقه مثلك يا بعدهم


والله يا الصريف هكالحين ان حقين جده والدمام بدو يهشون الذبان ما احد جاهم

أقول //
أوليه لو انا على كمبروتري أن تسان ألفز لك بذيا صورة للصريف
صدقن أن تصيح دم ليلتين من زينه

ولا تدري مانب حاطه أدري ان الناس يبي يتسذبونن يقولون تسذب الصورة جايبه من صلالة ولا باريس مير أغفل عن هالنقيطة ذيي وخلنا بموضوعنا


شف يا خلفهم ويا بعد بريدة كلهم تخيل روحك ان على الدائري هالحين
والكاتم يتستس والشبيبة بالزفلت يدقدقون كورة وانت وحدى هالرضاعين تحفرون بيديكم أيهم الي يلمس أيد الثاني والحريم بهكالنقرة الثانية بس يعلفجن كراث
عاد بذمك مهيب فلة


عاد شف
حنا نحقر ارواحنا وديرتنا ولا تخيل لو يجي الرحالة ابن بطوطة تحريك يطلع من بريدة
أظنه يبي يقول بس لقينا وش حنا ندور أثرنا ضايعين كل عمرنا ندور هالعالم وبه هالديرة ذييي


تراي طولت مع السلامة وان تسان ودك أهمق زود عطن اللمبة الخضراء
/ـ/ـ/ــــــــــــــــــــلام