السلام عليكم ورحمة الله وبركاته
أحبتي في الله
.
.
كم أتمنى أن أستطيع أن أرد على كل واحد منكم ...
إلا أنني لا أملك وقتاً لذلك لمحدودية جلوسي ع النت ....
.
.
لكني والله لأسعد بهذه الردود الطيبه من طيب أصحابها ... وسأحاول أن أوفي بطلباتكم ... علني أوفق في ذلك ...
ويا بوفهد لا تضرب ع الوتر الحساس ...
(والله يا الشوق واصل(ن) ألف ..)
يالله .... الله يهون علينا وعليكم ...
(
وأعتذر ع التأخير في الرد بسبب أمور بسيطه ... ومن أهمها ( ضياع كميرتي 
.. الحمدلله على كل حال )
=========================
الحلقة الثالثة
=========================
هلا أبو لجين
هلا بك يا بوجمانه
<<<
يقاله يذاكر :D
تخاويني .؟
وين له ؟
وطي
قصدي نطير
وين نطير له .؟
ما تدري إني من كم يوم أطير بطيارة مثل حقت المزارع .؟
أقول يابوجمانه ... عسى بس ما زادت عليك سخونة البارح :D
أقول أها بس .. يالله تعال معي ..
ملزم .؟
وراك منتب رجال .؟
إلا رجال ونصف
<<<
تدري إنه من جنبها :D
=========================
تم سياق الشات إلى حتفها :D
=========================
(
وصلنا لمدرسة الطيران .. اللي يتعلم فيه أخونا الطيران )
المدرب : من معك يا أبو جمانه .؟
أبو جمانه : هذولي إثنين من أصدقائي يبي يركبون معي .
المدرب : أبو جمانه .. أنت تدري إن تدريب اليوم .. هو على الهبوط الإضطراري بعدما نطفىء المحرك ونوقف (
التحكم بالأجنحه ) .؟
أبو جمانه : إيه أدري ...
المدرب : طيب مبطي ما مات أخوياك معك .؟ :D
(
أبولجين وخوينا الثالث 
)
أبوجمانه : يعني رايك نجرب قبل ما يركبون معنا ؟
المدرب : ايه أكيد ..
أبولجين ريتشرد ريتشرد :suu <<<<
يصفقون له من الفرحه هالذروقين
========================
هذي طيارتنا الحبيبه قبل الإقلاع
وهذي طبلونها .. ( تسنه طبلون ددسن 74
)
أقلع أبوجمانه ... وجرب الهبوط الإضطراري ....
وبعدها أخذنا معه في رحله فوق ( كرايست شيرج ) وأقلعناااااا
طبعا بتسألوني ... ما هو شعوري أثناء الإقلاع والهبوط ...
الحمدلله إني ما خفت ... بس جاني شعور حليل شوي ... لأن الإقلاع كأنه |(
هايلوكس يرقى له طعس ) لأنها جداً خفيفه ... وإذا جاء مطب هوائي (
خقل بطني ) ... وإذا (
هبت شمال نطل نطله أليمه ) .. يعني الشعور كان جدا مضحك مع قليل من (
نفضة أم الركب ) ...
هذي بعض صور كرايست شيرج من الأعلى <<<<<
لا يا شيخ
وبعدما إنتهت رحلتنا ... رجعنا أدراجنا إلى المدرج والذي هو عبارة عن (
ثيل طبيعي)
وخوينا الثالث لعله ما لحق يتشهد <<<
على الأقل حاول أزين من بعض الناس :D
هذه بعض صور الهبوط
ويوم وقعنا بالسلامة ولله الحمد ... نزلت وصورت بعض الصور ...
هذي مرسيدس الصدق إنهبلت ... تقلص له هايلوكبتر ..!!!
بس يوم شفت إن
دباب يقلص الهايلوكبتر ... قلت الله يخلف علينا بس
وطبعا ... ما فوتنا المتحف الطيران اللي بجنب المدرسة ... وهذي بعض الصور ....
.
.
.
في النهاية ..
السموحه منكم على صغر الموضوع .... لكن نحن الآن في إجازة آخر الأسبوع ... وعادةً ما أرجع إلا متأخر لأننا نلعب كورة مع شباب العرب غالباً ويكون المخ طافي ... بس بإذن الله في الغد أنزل موضوع جيد ... وهو عن :-
(
حياة النيوزلنديه ... وكيف تكون تربيتهم لأبنائهم وكيف يعتنى بالأطفال في صغرهم في وقت عمل أبويهم )
( هدية الحلقة .. لومينا غمارة )
محبكم في الله
أبولجين