[لين الورد]

السلام عليكم

بغض النظر عما تتعامل به البنوك من الربا هداهم الله وليس غض النظر هنا أي لا ننكر منهم ذلك - حاشا لله - بل إننا والله لنحزن ولكن على قولة المثل ( ما باليد حيلة ) ولكن أن يكون الربا في محلات أصغر من إصبعي الصغير ونستطيع الإنكار والوقوف ضدها فهنا يكون ( باليد حيلة ) , وقلت في الموضوع المحلات الصغيرة - مقارنة بالبنوك والشركات العملاقة - ,,,
بالأمس دخلت محل الطائر الجوال اللي بأسواق النافورة وشريت منهم جهاز
قلت لهم : ابدفع لكم بالفيزا؟
قالوا : ما فيه مانع بس بشرط ؟
قلت: وشو ؟
قالوا : أننا ناخذ على كل 100 ريال ناخذ 3 ريال .
قلت : ليه ؟
قالوا : أن البنك ياخذ منا 3 ريال لكل 100 ريال عن طريق الفيزا , وحنا اذا ما أخذنا من الزبون زيادة 3 ريال خسرنا .

يعني هم ياخذون 103 ريال عشان اذا خصموا البنك 3 ما يضرهم .

والأدهى من هذا أنه كلمهم واحد كان بالمحل الله يجزاه خير قال لهم : حرام اللي تسوون ؟

وش كان الرد !!

قالوا : اذا كان الزبون راضي يجوز !!!!


وبالمقابل دخلت عند زجن قالوا : ما نصرف أبدا بالفيزا .
قلت : ليه ؟
قالوا : فيها ( شي ) من الربا وحنا ما نرضاه ,,,

ما يهمنا من الموضوع :
1- أني أنا شخصيا صاحب هذه القصة ( يعني ما أقول يقال ) .
2- هذا الربا بعينه وكيف حنا ساكتين عنهم .
3- نبهني أحد الرجال الأفاضل داخل المحل أن هذا ربا وهو حرام .-جزاه الله خير-
4- أبغى رايكم بالموضوع , وهل لنا أن نسكت على مثل هذا ؟؟؟


تحياتي
لين الورد