السلام عليكم ورحمة الله وبركاته
التقرير الرابع
يحتوي التقرير
حديقه الفيله + الطريق إلى نوراليا
هذي اللوحه وهي المدخل الرئيس للحديقه
والحديقه تحتوي على عدد 65 فيل ، فيهم الصغير والكبير والأعمى والمعوق .....
يالله ندخل الحديقه
اذا دخلت تتوجه إلى الجزء المخصص بتغذية اطفال الفيله ، او بالأصح الأيتام اللي مالهم أم
وتكون أمهم قتلت على يد الصيادين .
سبحان الله
الفيل هذا أعمى من يوم ولدته امه
نسيت اقول لكم ان تغذية اطفال الفيله تكون في حدود الساعه 12 بعد الظهر ، وبعدها تاخذ لفه على الفيله ثم تطلع برى الحديقه إلى المحلات المنتشره قرب الحديقه وهي متخصصه في بيع الجلديات ، شنط جلد او نعال او كراسي جلد
اشياء ومنتوجات حلوه جدا
المهم اللي بيشتري جلديات يشتري من عندهم لأنهم ارخص وغير كذا تقدر تكاسر لأن المحلات كثاااار واذا ما عجبك محل تروح لعشره غيره
وانت تمشي للمحلات تشوف على يمينك بعض العروض للكوبرا وانواع مختلفه للثعابين ، طبعا اذا وقفت لازم تدفع
الحين صارت الساعه وحده وهو موعد حمام السباحه للفيله
ويا فيه فيله اذا طبت الماء ما ودها تطلع .
. يخلونها تجلس قرابه الساعتين في النهر
وبينما الفيله تسبح والسياح ياخذون الصور لها ، سبحان الله تجد بعض الفيله تأخذ أشكال هندسيه راعه تلقائيه
بعد الزيارة الرائعه لهذه الحديقه ، عدنا للفندق وبقينا ذلك اليوم في ردهات ( حلوه الكلمه هذي ... مثقف عربي ) الفندق :D
وهذي صوره للغروب
اصبحنا واصبح الملك لله
مع إشراقه صباح يوم جديد ، افطرنا في الفندق و اتجهنا إلى مدينه نور اليا او بريطانيا الصغرى كما يحلو لأهلها تسميتها
واجمل ما تشاهد هو الطريق بين كاندي ونوراليا ، حيث مزارع الشاهي والشلالات التي تشاهدها وانت على الطريق ووتتوقف عندها ... واللي فيه حيل يسبح يسبح
صوره لغيض من فيض
وهذي مزرعه صغير للشاي
ما ناقص إلا عدة الشاهي + قدر الكاتم
صوره أخرى على الطريق
وهذا شلال آخر
وهذا شلال روعه ، توقف عن مطعم وتجيك سياره خاصه بالمطعم تنزلك تحت ... والمطعم راااااااايق ورخيص مره ، انت تطلب وتروح تاخذ لفه عند الشلال تمشي على حافه الجبل ، منظر الشلال شئ خياااااااااااااااااال
اترككم مع الصوره
صوره للإتجاه المعاكس للشلال
وهذا الطريق اللي تمشي معه الى وصولك إلى الشلال
الظاهر اني طولت عليكم اليوم
لكن كان من المقرر اني انزل تقرير عن مزارع الشاي والمصنع وبدايه مدينه نوراليا
ان شاء الله نلقتي على خير غدا