[ابو عبد العزيز]

السلام عليكم ورحمة الله وبركاته

أخوي المتابع . . عن أذنك <<<< الميكروفون

أحم . . أحم مضبوط الصوت بسم الله

صراحة الموضوع حطه على الجرح يبرى

يقول أسأل مجرب و لا تسأل طبيب . . الأخوان بالهلال الأحمر الله يبيّض وجوههم وجزاهم الله خير

لآكن الأمكانيات والأيدي العاملة قليله . .

مره حصل للوالد تشنج عافانا الله وأياكم من كل مكروه (أول مره بحياتي يحصل له الموقف)

صراحة ماعرفنا كيف نتعامل معاه . . بس اللي أعرفة أنه أهم شئ لا يبلع اللسان

طبعاً من حسن الحظ كان معي أحد يوم الموقف أنا عجزت أفتح فمه حاول ما قدرات جاء واحد بدالي
دقيت على الأسعاف ما قصرو قالو الحين نجي قعدوا أكثر من ربع ساعة طبعاً البيت قريب من موقعهم ولا دقيقة . . . أنتظرتهم . . دقيت بعد خمس دقائق ( اللي بيده بالماء مو مثل اللي بيده بالنار) الرجال يبي يطير من أيديننا
أتصلت ثانية وأنتظرت بعد أكثر من خمس دقائق . . المهم الأتصال الثالث دقيت معصب قلت يا أخي وينكم أطلع لكم بالمكان الفلاني أذا كنتم مضيعييين قال : لا . . .قلت أجل ويش المشكلة قال السيارة طالعة لم السالمية والحين تجيكم إذا خلصوا من الحالة ؟؟؟؟؟؟؟؟؟؟؟؟؟؟؟؟؟

قالت : وين السيارة الثانية قال ما في ببريدة إلا سيارتين سيارة لشمال بريدة وسيارة لجنوب بريدة

صراحة أني نسيت الوالد يوم قال لي كذا ؟؟؟

لآكن بعد ربع ساعة جوا الله يبيّض وجيههم بس لو ماكنت تداركت الأسعافات الأولية كان الوالد بخبر كانا . . والله يآ أخوان هل يعقل هذا . . المفروض أن في كل حي سكني سيارة مو الشمال سيارة والجنوب سيارة والله لو حنا بالسينغال

توقع أي موقف يحصل لك تنفس . . تشنج . . أخماء . . غرق . . الخ
كيف راح يكون موقفك ؟!


لآكن قولووو آمين الله يغنينا عنهم

خاطرة / كل واحد لا بد منه أنه يحث أهل الخير للتبرع لهم بشراء سيارة أو أرض أو بناء موقع لهم
ووالله أنه من العمل الصالح الذي لا ينقطع بعد موته فكم من نفس بشرية سوف تحيا وتعبد الله بسبب أدراك رجال الأسعاف لحياته

ابو عبد العزيز