[مباري الساس]

السلام عليكم ..


يا هــــــــــــــلا والله بالمـــــــــــطانيخ ...


وش تتوقعون صار معي البـــــــــــارح ؟؟؟

طلعت بعد العشاء مصلي فرضي ، وطايعن ربي ، هاجن الكشرة .. ومالي بالشيطان طريق ... صار بيني وبين واحد من صديقيني اتصال ويلزَّم عليَّ الا أتقهوى عنده انتهى الاتصال على أني أبروح لمَّه ...

اتصلت على خالتي أسلَّم عليها .. كانت ساكنه بيت جديد المهم أني طلبت منها حدا العيال يوصفون لي البيت .... قالت ماعندي أحد لكن خذ ..... [ فلانه .. #### .. ] توصفلك ...

بنت الخاله : الو سلام عليكم .. كيف حالك .. أنا : طيب الحمد لله ... وتسأل عن أحولي وأنا أسأل عن أحوالهم ....

وصفت لي البيت وأنا رايح فيها ..

واعدتهم يوم الثلاثا أبروح لمهم وقالت لي إذا وصلت عندنا دق عليَّ ...

وصلت لبيت صديقي كان ينتظرن عند الباب ... سلمت عليه وقلطن مجلسهم .. وجاء أبوه وأخوانه وسولفت أنا وياهم ... أستأذنت منهم ولكن لزَّمو علي الا أن تتعشاء معنا ..

[ هنا زبدة الموضوع ]

تتوقعون يازماليق من اللي قلط لنا العشاء ؟؟؟

صوتت علينا وحدة من وراء الباب ( بابا هدا بيه أعشاء كلاص ) قالها صديقي : جيبيه !!

أنا رفضت وبشده قلت له قم أنت جب عشانا .. >> نسأل الله الثبات

لكن للأسف ماسمع كلامي .. قام وجاب العشاء هو وياه .. حاولت أني أتصدد عنها .. لكن أقرب واحد لها أنا ... وتقلط عشانا من الجهه اللي أنا موجود فيها .. والله قمة الأحراج ..

تعشينا [ والحمد لله ]

ويصوت أبو خويي يافلانه ... ويدخلن علينا ياجماعة .. قمرين لا تسأل عن حسنهنِّ ورتابتهنَّ >> جمله متعوب عليها .

وحده لبسه بلوزه زهريه وبنطلون أسود ... والثانيه لبسه بلوزة زرقاء وجنز أزيرق ..


رفيقكم ضايع بخرايطها .. [ ولد بريدة ] .. كنت >> ولا ملبورو .. كنت ماسك المجلس أسولف عليهم ... ويوم شفتهنِّ ألَّجم ألساني وبديت أتلعثم وضاع الكلام اللي أبقوله .. وخديداتي صارن حمر وبدا العرق يتصبصب مني ... وش السالفه .. حسيت بأحراج مررة ...

أكتشفت أني فاقد شئ ما بالحياة : يقطع أم العزوبية اللي زي كذا ...

فالله يجيب اليوم اللي ترتسم فيه البسمة على شفتيَّ ... آمين