بسم الله الرحمن الرحيم ...
السلام عليكم ورحمة الله وبركاته يا أحلى شباب ..
كيف حالكم ؟؟
المهم .. هذا الجزء الثالث من قصة المهجول مع المطوع .. في حوار صريح ...
واللي ما قرأ الجزء الأول والثاني .. لازم يقراه ...
وشكرا لكم ...
المهجول :
طيب سلام يا مطوع
المطوع :
هلا وغلا بأطلق مهجول
المهجول :
احم احم
المطوع :
السلام عليكم يا عيون كل المطاوعه
المهجول :
هع هع
عز الله ابتلاشنا
المطوع :
وش دعوة ..
المهجول :
المهم
تعرفني ؟؟؟
المطوع :
وش السالفة ؟
المهجول :
عرفتني يا مطوع ؟؟
المطوع :
انت ما غيرك ..
هذاك اللي .....
يمشي بالشارع ,,
انت خوينا اللي ذاك وذاك ..!!
............... ,, صح ؟؟
المهجول :
من هو ؟؟
الوليف ..!!
لا موجود ,,
بس ساحب علي ..!!
المطوع :
وش السالفة ؟
المهجول :
اقول ... مطوع أنت صحيح ؟
ولا
تضحك علي ؟؟
المطوع :
الا
ولله الحمد ,, والله يثبتنا .. ويهدينا .. ويوفقنا .. آمين ..
المهجول :
طيب بقول لك السالفة
خليني اكتبها
اوكي
المطوع :
اوكي << على باله المطوع ... يقلد .. آل أوكيه آل ..!!
المهجول :
يا مطوع انا احب ورع واحبه بنية سليمة اول ما تعرفت عليه كنت اعزز لواحد من الطارات لما طلعت
من الطاقة شفته سحر قلبي وخليت الطارة يجر الموكب وهو جاء ورانا لما اعلنا التوقف .. ,,
جيت ثاني يوم في الحارة واحصل الورع ساكن في الحارة الفرق بيني وبينه لفة ... !!
المطوع :
ليتك ما شفته ,,
وليتك يوم شفته غضيت البصر وصديت ..
النظر كله خطر ..
النظرة سهم من سهام ابليس ..
طيب وبعدين ؟
المهجول :
تعرفت عليه وشبكته ومشي معي مثل الحلاوة ..!!
وبعدين اشوفه تغير علي وصار يسحب علي سيفووووووون ...!!
يقول لي طيب ولا اشوفه ..؟؟
واول كان يخاف يطلع من بيته والله اني خليته في حارته رجال اي واحد يناظر فيه اتضارب معه ..!!
المطوع :
وبعدين ؟
المهجول :
واذا بغينا نفحط بعض الاحين يطلع معنا و معطيه كل شئ....
فلوس و جوال و استاجرت له سيارة وجاب العيد -- صدم !!--
و انا اللي تحملتها ,,
المطوع :
الله المستعان ... طيب وبعدين ؟
المهجول :
ثم تغير الورع 180 درجة وصار يسحب علي حاولت اعرف السبب .. ,, و اذا دقيت على جواله يكون مقفل ..!!
اجي له عند بيته ... يشوفني وينحاش ولا يعطيني وجه ..!!
وانا حبيته حب فـ لله وبعدين الحين تجيني افكار اني اخطفه واخذ عازتي واتركه واحيانا اقول لا خله عن اهله بس ..
المطوع :
تاخذ عازتك <<< ممكن توضح وتفصل ؟
المهجول :
بصراحة ,,
عازتي < -- << اني افعل فيه اللواط ..!!
ما خليت دخان الا ما جربته ما خليت شريط كسرات الا ما سمعته ...!!
المطوع :
طيب واكيد دايم طفشان صح ؟
ونكد ...
وقلق ..
وحزن ..
وتفكير ..
وضيقة صدر .
ـــــــــــــــــــــــــــــــــــــــــــــ
(( ومن أعرض عن ذكري فإن له معيشة ضنكا ))
(( ومن يعش ُ عن ذكر الرحمن نقيض له شيطانا فهو له قرين ))
ــــــــــــــــــــــــــــــــــــــــــــــ
المهجول :
ايه صحيح ...
والحين بطلت الدخان بس بعض الاحيان لما امر على الشوارع او المحلات والله اني ابكي ...
والله اني كنت بـايع الدنيا على شانه ..!!
يوم من الايام تحديت معه
اني امشي 240
كان التحدي : اذا انك تحبني امشي 240
واخذت الكامري حقتي
واشد العزم 240
واصورها له بجوال علشان يشوفها ..
في الاختبارات ناوي اني اطلعه غصب عن ابوه
واودية العزبة
وافقع وجهه
.... الخ
المطوع :
وترتكب الجريمة ... صح ؟
المهجول :
الله لا يقول ..!!
المطوع :
اجل ؟؟ وش بتسوي يعني ؟
وش تفكر الآن ؟
المهجول :
اطلع حرتي فيه .. ؟ !!
ياأخي ... و الله الورعان يخلوني انلحس
ما سمعت الكسرة اللي تقول
ياليت ربي ما خلق حلوين ** جننو شباب السعودية
منهم توفى ......... الخ
المطوع :
لا والله ما سمعت والله لا يقول ..
اعوذ بالله من الشيطان الرجيم ..
لا يلعب عليك ابليس وانا اخوك ...
طيب قضيت ؟
فضفضت
المهجول :
وش اقول وش اخلي .. آآآه بس ..
المطوع :
ترى تطليع الكلام يريح واجد ...
طلع اللي كاتمه وفضفض ...
المهجول :
بس ... وهذا كل شئ ...
المطوع :
أولا ً :
من تاب ... تاب الله عليه ...
والله عز و جل يقول :
(( قل يا عبادي الذين أسرفو على أنفسهم لا تقنطوا من رحمة الله ,,
إن الله يغفر الذنوب جميعا ,,
إنه هو الغفور الرحيم ))
ثالثا ً :
جاء دوري بالهرج خلك معي .. ابتكلم معك ..
المهجول :
اوكي
المطوع:
شف وانا اخوك الصراحة راحة
خلنا صريحين وواقعيين بقوة
المهجول :
اوكي
المطوع :
شف سالفة انه فلان يحب فلان بنية سليمة ..!!
اغسل ايدك .. مافيه .. الشيطان ابن كلب وحريص على الشر ..
وبعدين الورعان ترى مشكلة وقلق ونكد
وأي واحد قبل يسوي أي شيء ..
يفكر ويشوف يرضى الرحمن ولا لا ؟؟
يعني لازم يرضي الرحمن قبل يفكر يرضي الورعان ..
المهجول :
ايه صحيح صدقت يا مطوع ....
المطوع :
وخلنا واقعيين لو انت عندك اخو زين مرة ..,,
-- قطعة -- موت --
.. وجيت انا ادور عند بيتكم واشربك وانواع البواري وانطل ..
واحاول اشبك اخوك ؟؟ ولا قريبك ؟ ولا ولدك ؟ وش شعورك ؟؟
المهجول :
طيب هذا ما عنده اخوان ..
بس بنات ,,
تشبك أخوي ...!!!
والله اقتلك ..
خخخخخخخخخخخااااا
المطوع :
حتى لو ما كان عنده اخوان ..!! حط نفسك مكانه .. ما فيه أحد يرضى ..!!
وبعدين ..
بعض البزرنجية يقول : يا اخي الورع هذا غبي وهو يحبني وانا ما لي دخل ...
اقول نفس الشيء وحتى لو كان هو خربان وهو يبي .. ويبي ... ويبي .....
ممكن يكون اخوك او اخوي مثلا زين وغبي وخربان ويلعبون عليه ... و و و... وحنا بعد ما نرضى
وحتى لو هو راضي .. ما نرضى ... وأكيد اهله ما يرضون بعد ..
ــــــــــــــــــ
(( لا يؤمن أحدكم حتى يحب لأخيه ما يحب لنفسه ))
ــــــــــــــــــــــــــــــ
المهجول :
صح .. والله انك صادق ..
كمل ... وبعدين ؟
.
.
.
.
.
.
.
.
.
.
المهجول :
تكتب خطبة انت يا مطوع .. اخلص علينا ..!!
المطوع :
يعني اهم شيء قصدي الواحد يحب للناس زي ما يحب لنفسه واخوانه ...
ويراقب الله قبل وبعد كل شيء ..
والله .. وقسم بالله ..
لو فكر الواحد شوي وتذكر ان فيه ...
موت
وقبر
وسؤال
وظلام
وعذاب
وبعدين .. بعث ...
وحشر
وعرض
وحساب
ونقاش
وصراط
وجنة
ونار
والله ما يهمه اطلق ورع .. ولا يفكر فيه ..
وبعدين شف خلك معك وركز زين ..
يعني خلنا نتخيل شوي ونغوص بالخيال .. ممكن ؟؟
المهجول :
قدام وبدون صدام
مــمــكـــن
المطوع :
تخيل اننا يعني لكل واحد عشر ارواح ..!!
تخيل من جد واقتنع ..
المهجول :
ايوه .. طيب وبعدين ..
المطوع :
تموت روح تبقى تسع .. 9
تموت روح ثانية يبقى ثمان 8 ارواح ... .. 7 .. 6 .. 5 ...
وش رايك ؟؟
اكيد بتلقى انواع السربته وانواع الزحف دبل الدبل صح ولا ؟
المهجول :
صح
المطوع:
دشارة وسفر ولواط وزنا ... وشراب .. وكل شيء ..
كل واحد ضامن نفسه عنده عشر ارواح ..
حتى لو مات باقي واجد .. صح ؟؟
المهجول :
صح
المطوع :
يسوي اللي يبي ويفضي اللي براسه
وتلقى الناس يتكلمون فلان عنده سبع ارواح .. وفلان باقي له خمس ارواح وفلان اربع .. وفلان ..
المهجول :
يا روحي يا مطوع
جبتها على الجرح ..
المطوع :
وبعدين تلقاهم متعجبين مررررررة من واحد ومضيق صدورهم ...
فلان هذا مهبول ؟؟
فلان مهوب صاحي !!
فلان مجنون .!!
متعجبين مرررررررررررررررة منه ..!!
يقولون فلان هذا خلصت كل ارواحه العشره ..
ولا بقى له الا روح وحده ..,,
.. الروح الاخيره .. !!!
وكل حياته شراب وزنا ولواط وخرابيط وسفر ولا يصلي ولا يخاف الله ولا يتذكر الموت والقبر ولا
.. ولا .... وهو مستمر على المعاصي وما عنده الا روح وحده ..
راحت تسع ارواح .. كلها معاصي ..ومنكرات ..
تخيل معي خلصت تسع ارواح كلها معاصي و لا بقي الا وحده .. وش شعورك ؟؟
كل الناس متعجبين من حاله ..!! روح وحده بس باقية ..!! معقوله ما عقل وتاب ؟؟
كيف يعصي الله ... ؟؟ كيف يسوي كذا ...!!
المهجول :
ايه والله
المطوع :
طيب وش رايك ان حالي وحالي وحال كل الناس مثل هالرجال هذا ... ما عندنا الا روح وحده .. اذا راحت راحت .. خلاص .. واذا فات الفوت ما ينفع الصوت ؟..
معقوله نضيع هالروح الوحيده على شيء ما يستاهل
معقوله نتهاون ونتكاسل ..
معقوله نطيع الشيطان ونعصي الرحمن ؟؟
قسم بالله الدنيا ما تسوى
اليوم دنيا وبكرا آخره وقيامة وحساب
المهجول :
ايه والله ...
المطوع :
اليوم عمل بدون حساب .. وبكرا حساب بدون عمل ..
المهجول :
اي والله .. صحيح ... الدنيا ما تسوى ..
يا مطوع .. اتعبتك معي ..
مشكور وما قصرت
وجزاك الله خير ..
المطوع :
وش دعوة .. ما سوينا شيء ..
وبعدين ترى الوقت يمشي بسرعه ..
ولازم الواحد يفكر في مصيره ويقرر من الآن ..
(( يحشر المرء مع من أحب ))
1- مع الانبياء والصالحين والعلماء والشهداء
2- مع المغنين والداشرين و و وو
3- مع ... اصدقاء السوء ... والدشير .. والبزرنجية ..
4- ...
اللي تحبهم تحشر معهم ...
والحب ترى مهوب كلام ...
الحب قول وفعل ...
الحب عزيمة وصدق واصرار ..
وآسفين على الاطاله والازعاج
المهجول :
يا شيخ انت كنق ..
المطوع :
لا تكفى ..
الكنق حقنا عبدالله .. لا تورطنا .. يرحم والديك ..
المهجول :
خلاص .. طيب ..
ابشر بخشة لعيونك ..
المطوع :
لا تكفى ..
المهجول :
خلاص
بكرة اشتري فلين واكتب لعيون المطوع ..!!
المطوع :
لا تخليني اصدق نفسي واعزز .. واسوي زحمة ..
خلنا عاقلين حبيبين طيبين ,,
المهجول :
طيب الورع اللي ركبته وش اسوي له ..؟؟
المطوع :
تبي رايي بصراحه ,,
اسحب عليه .. لا تشوفه ولا يشوفك ..
من جد توكل على الله ..
واسحب عليه .. كذا أريح لك وأريح له ..
وادع الله أن يصرفك عنه .. ويصرفه عنك ..
(( من ترك شيئا لله عوضه الله خيرا منه ))
وعليك بالامور هذي : -- نفذها واحد واحد -- وعد رجال .. زين ؟
1- التوبة من الآن الآن الآن قبل ما تموت , أنقذ نفسك من النار ., خف من ربك ...
2- المحافظة على الصلاة وانت طاهر متوضيء ..
3- اصدقاء السوء : اتركهم وشطب عليهم ,,
4- دور لك صحبة صالحة يعينونك دايم
5- العادة السرية اتركها وتب إلى الله منها ,
6 - لا تطلق النظر لعيونك .. وحاول تغض البصر ..
7- رح المقبرة وناظر شكلها وناظر اشكال القبور .. وفكر في أهلها ..
8 - اسمع الاشرطة النافعة من اليوم وخصوصا : أشرطة :
خالد الراشد
عبدالمحسن الاحمد
خالد الجبير
محمد العريفي
9- اترك الأغاني واحذرها ولا تسمعها مرررررة ... وخصوصا الكسرات ...
..
وعليك بثلاثة أمور .. وأبشر بعزك :
1- حافظ على الصلاة
2- كثر من الاستغفار
3- عليك بالدعاء وكثر منه ..
واسأل الله أن يهديك ويتوب عليك ويثبتك ويفرج همك وينفس كربك وييسر امورك ويقضي حاجتك ويشرح صدرك وينور دربك ..
آمين ..
وانا استاذن الآن ... سلام عليكم
المهجول :
وعليكم السلام
جزاك الله خير ...
ــــــــــــــــــــــــــــــــــــــــــــــــــ ــــــ
ـــــــــــــــــــــــــــــــــــــــ
ـــــــــــــــــــــ