[ابونجديه]

السلام عليكم ورحمه الله وبركاته

هذا ياطويل العمر رجال ماشاء الله عليه عنده خير ( ماشاء الله تبارك الله )

قولوا ماشاء الله تراه من الجماعه

وعنده مزرعه جنب الحفره على طول.

وانا كلما جيت اروح من والى القصيم امر على هالحفره ( شي بالنفس)

ومن كثر ماجيت دقيت علاقه مع العمال هناك :D

وكل ماأقبلت سيارتي جو تكومو عندي <<<<< (وش عنده الوليد )

اتمي اجيب لهم ببس وكيك
( علشان مايقولون وش تبي جاي ) :D

وعاد يسولفون علي يقولون ان الرجال مصمم انه يطلع الماء بس يبي يحفر حفره ثمن يحفر مطق

ليه ؟؟؟ مادري هو ابخص

على العموم بإمكانك يا AJMN

انك تروح لم الرجال وتسوي معه مقابله

وتاخذ معك اسامه ولا احد الشباب المبدعين بالتصوير

وتسوي لك تقرير صحفي ( مايخرش الميه )

يكون برعايه منتديات بريده سيتي

وابشر بالدعم المادي

هذا والله اعلم

اخوك جلال