[هولستن]

اخي البوراق

انت ذكرتني ايام الذلة يوم افتح حساب بالراجحي، طبعا انا طالب بجامعة القصيم ورحت لفرع الراجحي اللي بجنب الجامعة اللي بالمليدا،وكل ما دخلت عليهم الموظف اللي يفتح حسابات مهوب موجود،وقعد اتكلم انا وحارس الأمن وقالي انت تبي نموذج بس وجابلي نموذج وانا كل مارحت لأحد فروع الراجحي قالي مافيه نماذج ودبرتلي نموذج وكل مامريت على فرع والنموذج معي بيدي يقولي كل فرع له ارقام تسلسل معينة(تصريفة)

والله العظيم اني ماخليت فرع للراجحي ببريدة إلا ورحتله إلا حق الموطا .واني دخلت على كل فرع مرتين او ثلاث حتى اللي قهرن ان مدير فرع اسواق مكة قالي مرة تعال بعد الإكتتاب ويوم جيته قاللي انت لك حساب محول (مع اني قايله اني طالب بالجامعة)
وبعد شهر ونص من الفرفرة والتسحيب بفروع الراجحي عجزت افتح حساب إلا بواسطة