فز قلبي يا أبو إبراهيم ..
يوم شفت الموضوع يدربي راسه بالشريط اللي فوق ..
قلت وش أنا طالب فرقعين جدي ،،
الله لا يوريك ، دخلت عرض على الموضوع ، فك الله الصفحه الرئيسية حقت المنتدى
بغت تنشق ، من قوة الظغط على رابط الموضوع ، ههههههه فكك الله يا أبو مهند بغيت ترقع
الواجه الرئيسية ،
عاد تنسيبه ، الصفحة الرئيسية للمنتدى مرقوعه بلون غير ، و أبو مهند الله لايوريك
أعرفه زين الرجال ذوووويق ، حاطن لون الرقعه زهري يعني ما في أمل يمشي مع اللون
الكراثي ، و لو تشوف الزوااااااار ما غير يتفكرون بهالصفحة المشقوقه وش اللي شقه
أكيد هذا صعيدي يبي يتلمس أحد الروابط و شقه الله يشق راس العدو إن شاء الله عساوه للماحي
الي يمحاوه ، و الأعضاء حدث و لا حرج وش لون يدروون حول هالرقعة الزهريه ،
يحسبونه بنر جديد ، و من كثر الدوران سبحان الله ، بدعو جرّه حول الرقعة الزهرية ، وصار
اللي حوله ، كله سواد من كثر ممشاهم بالفارة حول الرقعة و أبو مهند إنسان نظيف إيقاله ياباني
ما يبي يشوف لطوط و خصوصا بالصفحة الرئيسية ، فقام و جاب منظف ديتول و موية نار
و بدا الرجال يمحض و الدين اللطوط اللي حول الرقعة الزهريه ، لمين طير بوية المنتدى
و طلع بدال مهب سواد طلع أبييييييييييض .. فقال وش الدبره الحين نبي نرقعه أعميناه .
وش السواة يا ربي ، وش السواة ، أيووووا لقيت فكرة ، و قام و نطل أحد التلوينه المائية حقة
أخوه ، و قام يصبغ باللون الأخضر ، و طنت معه فكرة يمكن أنه إذا جاه ماء تروح المائية ..
و الله فعلا أثره تروح ، و قام و نطل من أخته اللتلوينه الزيتيه و بدا يضرب باللون الأخضر
يبي يرجع هالبوية اللي طارت .. و خذ يا تصبيغ ، يوم قضى رجع شوي وقعد يناظر ..
أثر الرجال طاح بورطه أشد و أفضع ، صار اللي حول الرقعة الزهريه ، أخضر غاااااامق
و صار يشد الإنتباهه ، فقال ياولد هات الديتول و وموية النار ، وبدا يمحض ....
<=== الظاهر تعرفون الكمالة ..
