[زمــان الـصـمـت]

أنا حبيت أعلق على الموضوع وأستفتح أولى مشاركاتي في موضوعك

بالنسبة لـ نجم مانشستر يونايتد واين روني فهو ماقد تكلم عن العرب لابخير ولابشر ولـ الأسف إن كثير من الناس تكلموا في هالموضوع وأكدوا إن واين روني هو اللي قال هالكلام ولكن الصحيح اللي قال إن مايشرفنا إن العرب يشجعونا هو أندي روني رئيس حزب اليهود الرياضيين في بريطانيا

طبعا هذا الخبر صار له صيت وإزعاج وإذا حبيت تتأكد أنا راح أجيب لك من موقع الـ BBC العالمي إن الكلام مذكور على لسان أندي روني وليس اللاعب الإنجليزي واين روني ..

أما رونالدينهو فهو أنكر هذا الكلام في الموقع الرسمي لـ نادي برشلونة وأكد أنه دائما مع السلام وإنه يدعم الدولة اللي تبحث عن السلام , ولكن صحيفة يهودية نشرت تصريح مكذوب على لسانه وهو بادرهم بـ الإنكار وموقف حلو من رونالدينهو إنه ينكر ويفشل الصحيفة اليهودية ويضرب أسعارهم وشهرتهم ..

ومافيه أحد يقول : إن هاللاعب مسلم إلا وهو متـأكد من كلامه ومهو من الباب لـ الطاقة ..

أتذكر إن العالم قالت لاعب البرازيل فريد مسلم وتأكدت من الكلام من موقعه الرسمي وكان مكتوب الديانة مسلم وإذا تبي الرابط موجود , وكذلك لاعب فرنسا فرانك ريبيري صرح تصريح قوي وقال : الإسلام هو من يعطيني القوة داخل الملعب وخارجه
ورونالدينهو أكيد مهو مسلم لأنه في كل مباراة يسوي عقيدة التثليث

أما بـ النسبة لـ التعصب فحاليا كرة القدم العالمية مافيها تعصب وحنا ترى نتابع عشان نستمتع فقط ومانتابع عشان نحب لعيبة زي ماذكرت أخي , التعصب أنتهى من زمان من أيام ماكنا نتابع الهلال والنصر الحين الكرة العالمية فن وذوق

وأخوياك اللي تهاوشوا عشان اللاعب اللي أصله أرجنتيني أو برازيلي , فـ أتمنى إنك تصلح بينهم والصلح خير وإذا ممكن تقولي إسم اللاعب حتى أجيب لك أصله وقبيلته ومن أي فخذ :D