[مدحت شوقي بريده]

هلا ابو سحيم ..


يابعد معاليق شدوقي أنت .. انا اقول ان اللي يدرس بالمدارس الحكومية مانقول عنه طالب علم ..
لأن طالب العلم المعروف عندنا هو اللي يطلب عالعم عند المشائخ ..
اما هذولا اسمهم طلاب مدارس وطلاب جامعااااااااات ..

يعني أنا ماأنكرت على اللي يدرسون وقلت لاتدرسون بالمدارس .. تقعد تبلشنا فرقعين جدي بعد ..
اختلفت مع اخوي روح العالم ياجعل روحه تروح انشاء الله للجنة .. اختلفت معه على المسمى بس ..


المدارس مفتوحة واللي يبي يدرس الله يقويه ..
بس لاينسى يدق المسمار حق الشهادة بالصالة حقت بيتهم .. علشان اذا تخرج يعلقه ..
ولاينسى كل يوم يقعد يمسحه ويلحسه ويملسه ..
الين يجي يوم ويتفل عليه ويقول وش الفايدة منتس ..
همن يشوفوه ابوه ويصفقه مع علباته ويقولوه .. وراك تتفل عليه .. هذي ورقة رسميه ..
عااد هو من زود الذهانه يطلع المنشفه ويقعد يمسحه ويقول لا يالبي بس اتفل عليه علشان امسحه ..

ويسلموا يالبي ..