[دبيب النمل]

السلام عليكم:
أولاً: أريد الإنصاف بين هاتي البلدتين وأعرف أن لامقارنة (ببريدة)
ثانياً: لو كان أردت أن تكون عنيزة عاصمة التمور فأفعلوا ولستم بقادرين؟
ثالثاً: لو لا الله ثم أهل بريدة لكانت تموركم (بالزبايل) فهذا العوس يشتري من عنيزة دينتين يومياً
والمشعان والدخيل وغيرهم من تجار التمور،(وليس أنهم لا يشترون من بريدة لكن بريدة متوفرا سوقها على طول النهار ) وعلى فكرة لو ما جاء العوس يوم كان نزلت أسعار سوقكم..
رابعا: إذا كنت تزعم أن عنيزة أجود تمراً فكونوا عاصمة الجودة (والله ياهو صعب)
خامساً: إعلم عدد سيارات تمور بريدة تقريبا من عدد سطول تمركم.
سادسا: أنا أعمل بالتمور (الضميد) وأشتري من عنيزة لرخص تمرهم فوالله أني شريت تمور بفتح
باب السوم، وسعر تمورهم الطيب (مخمش) ما بين الأربعين والستين؟
سابعا: أجود تمركم (إذا كان هناك طيب) فإن لا يباع بعنيزة يؤتى به إلى بريدة؟ لا بد أن المشتري
يسأل عن مكان التمر فسألت مرة باكستاني ومعه كفيله (من عنيزه) قلت ليه ماتبيع بعنيزة؟ قال عنيزة سوق مافيه كويس؟
وقلت عندك رطب قال ايه بسوق بعنيزة فقلت يعني الرديء لعنيزة والطيب لبريدة

وفوالله أننا إخوة في الدين ولا تفرقنا (زبالات العنصرية) فهذا هوى متبع....
وليس هذا الرد إنتصار لبريدة لكن بريدة متألقه، ولكنه لتعرف قدر عنيزة وألا مقارنة (رحم الله من عرف قدر نفسه)
ولعلك أخي رأيت بأم عينك الحقائق والأرقام، ولعل سوقكم لا يعارض سوقنا، فلكم سوق ولنا سوق ولنا وتميز ولكم مثل، ولنا إبتكار ولكم مثل، ولنا تجديد ولكم مثل،
لكن لا يكون تقليد وسخرية وحقد وعنصرية