وش لاقين في بريده !!
:D
أول ما طبينا القصيم .. وأول مسجد اللي عند المحطة اللي عند المفرق .. الظاهر أنكم عرفتوه .. كلها زيوت من العمال
.. المهم صلينا فيه المغرب والعشاء .. جلسنا شوي هاه وين نروح .. وين بنجلس فيه .. شوي ويدخل علينا ذاك العسكري ؟!! - هاذي البداية النكدة - .. قال من رئيسكم ؟!! وراح خوينا خارج المسجد .. وطول علينا .. قلنا شكله راح فيها .. ثم جانا .. قال ياالله يالله .. يقولون ترى لو تقعدون بيشيلونا ؟!! بسرعة تحركوا !! المهم رحنا ندور ونحوم .. ندور واحد ؟!!
- الساعة 12 .. ندور شقة نخمد فيها .. ما هنا شي .. إلى الساعة الواحدة تقريبًا ؟!!
قلنا أقرب شي نروح له .. اخلص .. روسنا تبخرت ،،
والله ونلقى ذيك الحديقة الخايسة ونرقد فيها ؟!!! ونقوم بنصلي الفجر ..!!!!!!!!! قمنا وثيابنا وقمصانا خضر !! ( لا أحد يضحك ) :D
والله الفشيلة .. !!
والله ونروح نصلي .. وما لنا وجيه .. ثيابنا خضر تقول عنز قاعدة تعرمه :D
وواحد من الجماعة يطالعنا ويضحك وينزل راسه !! شكله مدحت شوقي بريده :D
المهم .. وعلى بالنا .. قعدنا في آخر المسجد نقرأ كتاب .. والله ما أحد حول خوينا .. اللي راقد وصابة سعبولته .. واللي قاعد يتفرج على جدران المسجد ..
شوي ويدخل علينا عسكري !! إنا لله وإنا إليه راجعون !! يالله تحركوا اطلعوا ؟!!
بسرعة وإلا ترى بنحملكم كلكم للحجز !! انهج قم بس قم .. والجلوس في هذا المسجد ممنوع ..
والله ونشوف ذاك اللي قاعد يقرأ قرآن يضحك علينا !! يالله شف هذي بريده
والله ونروح ندور مسجد ثاني .. ( مطاوعة بعنف على الصبحية .. مسجد يعني مسجد )
والله واللي كمل نومته .. والواحد صار الإرسال عنده يقطع .. مره يسمع ومره ما يسمع ..
المهم والساعة 7 تقريبًا نلقى شقة في عمارة اسمها ( شقق المدينة ) على ما أظن إن كنت ما نسيت ..
-------------------
ابقوا معنا في الحلقة القادمة !! هذي بريده ؟!!:D