[مهبول بس عاقل]

وعليكم السلام ..بخير ونعمة..
هلا بك أخوي(سنكرس)...
بما إن الموضوع حلو مثلك قلت ماأروح إلا وقايلك سالفة حصلت لي حووول موضوعك...بما في نفس الموضوع فيه مرور وإنك تفحط قدام مبناهم ...الإسبوع اللي راح رحت العصر لمشوار ويوم رجعت للبيت مابقى على آذان المغرب إلا ربع ساعة تمام ...رجعت مع طريق القناة ويوم مسكت طريق القناة دست شوي ومع الدوسة طلعت صوت الدبة لموتري صوتها من الوكالة تمام...وفيه دورية لومينا ماسك السيد الوسطي وأنا ماشي على سرعتي يمكن الله العالم 140أو 135 ماإنتبهت للسرعة ...أنا أبلحق على الفطور ...ويوم تعديت الدورية إلا والسفتي يشر ...فوقفت على جنب طبعا مع كثرة محاولاته لي ...ويوم وقفت قال لي هالكلام الممل والمعتاد(رخصة وإستمارك) مع شين بنفسه...ويوم عطيته اللي يبي قال لي وش هالطيران قلت:سلامك أبلحق على الفطور ...قال: تدري إن عليها مخالفة قلت:وشو قال:الصوت اللي على موترك ؟؟؟ أنا قعدت أفكر قلت وش الصوت اللي حاطه ونا مادري قال أنت مركب فلتر ممنوع ...قلت:يالحبيب أي فلتر ...قال:الصوت هذا وش تسميه قلت:هذا صوت وكالة ياعم...قال:لا مو صوت وكالة...طبعاً أنا قعدت أحلف له لمين نشف ريقي .طبعاً الشيخ/صنهات عيا لايقتنع بكلامي كعادته طبعاً متغطرس إلا من رحم ربي ...نرجع لموضوعنا ويوم بالآخر إقتنع ...قال:ليش مسرع ...قلت:بذي معك حق ...علشان أمتسن الفطور ...وآخر شي عطاني مخالفة سرعة بس ماكتب عليها تحديد السرعة بس كتب سرعة وبس ...بلاه من لعانته ...ويوم مشيت منه الله لايوريك دست دوسة حلت الزفلت بوجهه ...على العموم أشكرك لموضوعك الرائع...وآآآآسف على الإطالة :D ...
تقبل فائق إحترامي لك...سلام.