[مدحت شوقي بريده]

اقتباس المشاركة الأساسية كتبها وحيد الخلان بسم الله الرحمن الرحيم نشكر الأخ مدحت شوقي على رحابة صدره المعهوده ونرجو من الله أن يسعدك ويجعلك ذخراً للإسلام والمسلمين وأدامك الله حياتك بخير وعافيه ... س/ هل رحابة صدر أبو أبراهيم المعهوده تتغير من مكان إبى مكان آخر ؟ س/ هل من الممكن أتقول لنا عن أطرف موقف حصل لك في الأماكن التالية : مطعم - مسجد - مكان عام ؟ س/ ماهي أبعد مكان سافرت إليه إلى الآن ؟ س/ ماهي أبعد مكان سافرت إليه إلى الآن ؟ س/ يوجد لديك 3 باقات ورد لمن تهديها ؟ س/ ماهو ملاحظاتك ومرئياتك حول زحمة الرياض الخانقة ؟ ومعذرة على إطالة الأسئلة ولي عوده << هالذيب يحسبه لازم يكتبه شاف كل من سأل كتبه قال نكتبه .. جوق بك جوق

اقتباس نشكر الأخ مدحت شوقي على رحابة صدره المعهوده ونرجو من الله أن يسعدك ويجعلك ذخراً للإسلام والمسلمين وأدامك الله حياتك بخير وعافيه ...

هلا بيك يالبي ياوحيد الخلااااااااااااااااان ..
تصدق يالبي أنا اقول لو يصير إسمك .. ( وحيد وخلااااان ) يكون ابلغ .. :D
<<((== شكله يقول يبلغ ..:D

اقتباس س/ هل رحابة صدر أبو أبراهيم المعهوده تتغير من مكان إبى مكان آخر ؟

أكيد يالبي فيه أماكن تفرض عليك السكوت ( والانثبار ) أماكن عزاء .. <<((== والا عندك نية تسولف وتضحك ..
وأيضاً بعض المواقف الرسمية أو الأماكن الرسمية .. فلكل مقام مقال يالبي ..
لكن مع الشباب .. اه اه اه .. في أي مكان وزمان عاااااااااااااااادي يالبي أهم شيالوناسة ..

اقتباس س/ هل من الممكن أتقول لنا عن أطرف موقف حصل لك في الأماكن التالية : مطعم - مسجد - مكان عام ؟

مطعم .. امممممم ..
والله يالبي المواقف كثيرة ..
مرة تواعدت أنا وأحد من رفقاااااااي في مطعم .. وقال إن معه أخوياه .. وإننا متعودين نجلس في كبينة رقم ( 9 )
وجااااااااك أبو الشباب مدرعم وعلى المطعم وعلى كبينة ( 9 ) .. والقاهم يتعشون ..
ماشاء ياعيال قريح وإتعشون بعد .. <<((== أكيد بمطعم يتعشون أجل تبيهم يحلقون روسهم ..
وين فلااااان .. قالوا راح يغسل .. قلت ايوه ابقعد لوه ورى الباب ..
يوم سمعت حس النعاااال وافتح الباب .. وازعق عليه .. قلت وينك ياااااااااا ...
وأناظر ويصير مهوب خوياي .. قلت لايالبي شكلي غلطان .. أنا مواعد أخوياي بالمطعم بنفس الكبينة ..
قالوا لاعاااادي اجلس تعش .. قلت لايالبي سلاااااام ..
وأدق على خويي صار يحترين بس بفرع ثاني بنفس الحي ..




مسجد ..
كنت في بلدي الثاني الكويت :D ( والله اش حقه عااااااد :D
وقفنا عند مسجد نصلي دخلت أنا أول واحد .. ( اللهم لارياء :D <<((== شكله داخل بدون وضوء ..
يوم دخلت والقاهم جالسين بالتحيات .. ويصبخون برجليهم وتسمع يالله هم هم يارحيم هم هم اغفرلي هم هم .. <<((== تقول بمدرجات ويشجعون :D
واناظرهم ويدخل وراي واحد مسرع قال الحق الصلاة .. قلت اي صلااااة هذي سامري مهيب صلااة:D ..
ويدخل ولد عمي واقوله تعال لايفوتك تقول دعاية مكورنة هم هم ..:D :D :D
ولد عمي يعفط بخشته ويقولي تعال بسرعة ابيك .ز ويوم طلعت قال هذا حق روافض امش ..
قلت وأنا ناوي اصف معهم ..
يالله يالبي سلااااام ..





مكان عاااام ..
هذي عد وإغلط .. بس أتذكر واقوله ..

اقتباس س/ ماهي أبعد مكان سافرت إليه إلى الآن ؟

ديرة الشااااام .. ومن عقبه وأنا اقول يازين السعودية وأهله وبس ..

اقتباس س/ ماهي أبعد مكان سافرت إليه إلى الآن ؟

اول سيارة كرسيدا :D وآخر سيارة باترول

اقتباس س/ يوجد لديك 3 باقات ورد لمن تهديها ؟

الباقة الأولى .. لوالدتي الغالية ..
الباقة الثانية .. لأم إبراهيم ..
الباقة الثالثة .. لكل أعضاء منتديات بريدة ستي ..

اقتباس س/ ماهو ملاحظاتك ومرئياتك حول زحمة الرياض الخانقة ؟

زحمة الرياض ..
المرور فيه إدارة تخطيط .. والأمانة فيها إدارة تخطيط ..
والأدهى والأمر إن عندنا وزارة كاملة إسمه التخطيط ..
ومع ذلك فاشلين بالتخطيط وإيجاد حلول لمشاكل الزحمات ..
يالبي العود من اول ركزة .. من أول شي التخطيط كان زفت وسيئ .. وتخطيط مستقبلي قريب عشر أو خمس سنوات .. مافيه رؤى مستقبلية لخمسين أو مائة سنة .. علشان تسذا تشوفنا حايسين وضايعين .ز
سي يو ..








وشكراً لك يالبي أسئلتك تطفي لهيب بعض السئلة وتعكن شوي من الراحة ..

سلااااام يالبي ومشكور يابعد معاليق شدوقي ..