[لكزس]

السلام عليكم ورحمة الله وبركاته ...
لكزس .. السعودية
((((((( نحب نوقف مع البنات اشوي ونعالج همومها بكل ما نستطيع Too

الشباب دائما يقولون ان البنات يفتنونا في السوق وفي الشوارع وهم اللي يدفعونا للحرام .. ولكن ماتشوفوا ان البنات من الممكن انهم يعانوا من نفس الشيء؟؟!!!

البنت اذا شافت شاب وسيم ممكن انه يجي في نفسها انها ودها ترتبط فيه بشكل او بآخر .. بس المشكلة انها صعب توصله بالحلال مباشرة .. وتكون غبيه اذا توقعت انه من الممكن انه يتزوجها بعد علاقه محرمه بينهم.. فتضطر انها تكتم عواطفها في صدرها .. بينما الشاب ممكن يصرف عمره بأكثر من طريقه .. (هماهم يقولون الرجال مايعيبه شىء..!!) هذه خدعه لا بد نعرف حقيقتها وتحليلها ؟

بعض البنات يعانوا من التفرقه في المعاملة بينهم وبين إخوانهم .. وتزيد الطين بلة اذا صاروا اخوانها مستقلينها .. وفي نظرهم ان شغلتها في الحياة انها تسويلهم شاهي وتصلح العشاء ..
((هذا اللي ماعندهم خادمة )) واذا هي احتاجت منهم شىء مثلا مشوار ضروري للسوق أو للمكتبه .. تشوف منهم أنواع الذل والتصريف .. وانتم عارفين

كثير من البنات يعانوا من الشباب الي مسنترين في الأسواق كل همهم مطاردة البنات .. الله يهديهم

البنت عندنا اذا وصلت لعمر معين تبدأ تواجه صراع وضغط نفسي رهيب بسبب حاجتها للتوفيق بين بعض النقاط المتعارضه والحساسه جدا:
مثلاً
طموحاتها الشخصية والعنوسة واختيار والموافقه على المتقدمين لها..

اذا فكرت البنت في الإهتمام في طموحاتها الشخصية .. تضطر تتقبل انها من الممكن انها تواجه شبح العنوسه (الشبح اللي صار يطارد كثير من بناتنا في كل يوم وليله).

في المقابل اذا تغاضت عن طموحاتها واعتبرت الزواج هو أول اهتماماتها تبدأ تخاف من سالفة فشل زواجها ..او سا لفة انها تطيح في يد واحد مايخاف الله فيها ..

مع العلم ان بعض البنات يعنسوا موب لأنهم شيون أو أخلاقهم شينه .. ولكن أحيانا تكون فيه أسباب خارجه عن ارادتها .. مثل كونها غير معروفه وماتطلع كثير .. أو سمعة بعض أقاربها .. أو كلام وحده ماتخاف الله فيها .. أو .. أو
هذه المشكله طرحتها قبل كذا لكن المره هاذي محاول فيها تكثيف المشكلة وتوضيحها اكثر وياليت المثقفين والأعضاء والعضوات يساعدوننا في حلها ...^^
ثم نقول ايضاً "
تخيلوا معي الصراع اللي بتواجهه أي بنت فحالة تقدم أكثر من شاب لها في نفس الوقت .. تبدأ تجمع عنهم المعلومات .. وياعالم هل الكلام اللي يجيها عنهم صحيح ولا كله من نوعية - أمي دائماً تقول يابخت اللي بتاخذني .. - (ترى معظم الشباب لازم يقولونها لخطيباتهم).. عاد بعدين تبدأ تكتشف ان فلان وسيم بس مطفر .. وفلان مثقف بس عصبي .. وفلان أخلاقه زينه وكلش فيه زين بس ناوي يسكني في
بيت أهله .. وزي كذا

وتخيلوا معي الصراع اللي تواجهه البنت اذا تقدملها شاب واحد وفيه عيوب .. تبدأ الهواجس مع المسكينة تقولها انه اذا رفضتي هذا يمكن تعنسين طول عمرك .. او ان كل اللي بيتقدمولك عقبه مافيهم خير..

هذا فضلا عن انه من الممكن ان ولي أمرها يجبرها على أحد ماتبيه أو انه يبالغ في شروطه للخطاب اللي يتقدمون لها..


عاد تزوجت البنت وبدأت عملية محاولة فهم الزوج وبعدها مرحلة اكتشاف العيوب وبعدين ظهور المشاكل..

المشاكل أحيانا تتسبب فيها البنت وأحيانا يكون للطرفين دور في ظهورها ... ولكن المشاكل اللي ترفع ضغطي هي اللي يتسبب فيها بعض الرجال الله يهديهم.. لأسباب مثل:
السهر المتكرر .. السفر مع الشباب لدول تجرح كرامة البنت .. البخل .. الغباء ..التدخين والشرب.. الوساخه .. احتقار الزوجه .. وألعن منها اللي يمد يده على زوجته من غير حق ..

بعض الشباب والأزواج الله يهديهم ينشكح عند الدش وخاصة عند القنوات المثيره .. ويبدأ يطالع في هالفنانات والمذيعات .. ومن دون أي احساس تبدأ تطلع منه تعليقات مالها داعي .. مثلا:

يلعن أم الجمال ياشيخ ... أموت انا في هالوسط .. أروح تبن انا مع فلانه .. وأحيانا يكون الرجل قاعد يقرا جريده وأول ماتجي وحده من الكلبات اياهم تلقا عيونه صارت زي الفنجال..

لو انه يقولها وهو عند اخوياه .. مهيب مشكله كبيره .. ولكن القهر هو اللي يقولها وزوجته جالسه معه.. تخيلوا لأي درجه بتنجرح هالمسكينة ..

ياشباب تخيل لو أختك أو زوجتك شافت محمد هنيدي خخخخخخخ
( وجع مابقى الا هذا يعجبهم)
أقصد واحد من الممثلين الوسيمين وصدر منها تصرف مشابه للتصرف اللي انا ذكرته .. ويش يتكون ردة فعلك؟؟؟!!!!!!!!!!!!!!

تخيل وزوجتك معك في السياره شافت سياره أفخم منها وقامت تمدح فيها بأسلوب استفزازي .. ويش بتكون ردة فعلك؟؟؟؟!!!!!!

هذا موضوع سويتله تجميع وحبيت ارتبه واطرشه عليكم وياليت الجميع يشارك في النقاش بس على حدود العقل مو يجيني واحد يتكلف في الإسلوب ويخلينا مانفهم منه شئ يعني نحب يكون الكلام سهل ومتيسر على القارئ ونكون صريحين لاني انا احب اقدم شئ ينفع الجميع لكزس