[ح ـايلـــيـة]

اقتباس وش رايكن الي بعد "الماسه" تكون "حايليه",,

يؤيؤ منهي حايليه ..!!؟؟
لو سمحتوا لو شفتوها علموها عن هالشيء<<جحيد وبعيد :D

الله يجزاتس خير عالتوريطه يالحسناء .. هع
ولا يهمكن ..

اقتباس طيب وش رايكن يابنات كل يوم ثلاثاء تنزل وحده منا "حلى جديد"

بس اليوم مب ثلاثاء

اقتباس وطبعاً بالدور والي تنزل الحلى هي الي تختار من تكون بعدها,,

وش رايتس هي تختار من بعدها وبـأي يوم بعد :D

طيب اليوم انزل لكم حلى
حلى روعه يجنن مره...
طعمه لذيذ..

..


حلى اسمه..
آآآ!!
اسمه ..
امممممممممم<<تورطت :D

الصراحه بسميه على كيفي وش رايكم
×?°بسبوسة حايليه المطوره ×?°

~*¤ô§ô¤*~المقادير~*¤ô§ô¤*~
2-فنجان طحين ابيض..
2-فنجان سميد..
2-فنجان جوز الهند..
2-بيض..<<ترا مب بيض نص سلق هع:D
2-فنجان سكر..
1-علبة حليب سايل(شفّاط يعني )..
1-ملعقة كبيرة بيكنج بودر..
1-فنجان زيت..
شعيريه باكستانيه..
شيره ..
الطريقة
نضع (الحليب و البيض والسكر والزيت والبيكنج بودر)بالخلاط ونسكب باقي المقادير اثناء الخلط بالملعقه داخل الخلاط..
ونتركها دقيقتين تقريبا مع بعض بالخلاط..
بعدها نسكبها بصينيه واسعه ..
ثم نفرم الشعيريه الباكستانيه فرم ناعم ويغطى وجه الصينيه كله بالشعيريه قبل دخولها الفرن..
ثم يتم ادخالها داخل الفرن ..
ملاحظه ../الخليط ارتفاعة بالصينيه 1سم وشوي (قبل النضج)..وبعد النضج 2سم ..
واذا استوت من تحت ما يحتاج من فوق...

ثم يتم صب الشيره ..
ومقدارها حسب الرغبه لكن ضروريه في الحلى هذا
~*¤ô§ô¤*~طريقة عمل الشيره ~*¤ô§ô¤*~
المقادير/ماء وسكر فقط..
الطريقه /يوضع الماء والسكر بأي إيناء صغير (مثلا قدر صغنون)..
وعلى النار الى ان يثقل..
ملاحظه مفيده جدا/(اذا تبغين الشيره تضبط من اول مره..
ضعي مقدار الماء نفس مقدار السكر.
مثلا كاس ماء وكاس سكر ..
او كاسين سكر وكاسين ماء وهكذا..
......................
اسفه لعدم وضع صور..
(واسـألوا اشيقريه عن الحلى هي ذايقته :D )..

ان شاء الله يعجبكم..
واللي تسويه تعلمني..

اللي بعدي ابيها شهد العسل..ويوم الثلاثاء الجاي ان شاء الله :D
تحياتي..

حايليه وكرم طائيه