وعليكم السلام ورحمه الله وبركاته
الحقيقه انا حصلت على الشريط يوم الجمعه بالليل وقعدت ادور بالسياره الين خلصت الشريط
ما اخفيكم بالبدايه استحيت من اللي جنبي بالإشاره لأني لحالي وميت من الضحك :D
وما اغبي عليكم انه يوم قال : " وش عرف القصيمية بالمساج خله على المرقوق والجريش "
كعوش جلدي وبغيت اكسر الشريط
ولاكن من الضحك قلت خل نشوف باقي الشريط ...
بدايه الشريط او السيناريو عموماً كانت اروع من المتوقع
ولاكن بعد ما صحى الأبو من الغيبوبه بدأ السيناريو يلخبط
ويجيب مواقف ماجاء وقتهن مثل :
طاح من الدباب
راح للمستشفى
راحو لمستشفى ثاني
الى هالحين والوضع
ميه %
وبعدين بدأ الابو يتميلح يوم شاف السساتر ( الممرضات )
ولا اشد من ذا الا يوم قال لولده ان السستر ازين من ( ام شضاف ) اللي سنونه كنه سنجاب توه قاضي متغدي
السؤال : وش لون شاف مرته اللي بالبيت وهم مامرو البيت اصلاً .( لا ننسى انه فاقد الذاكره )
هذا غير السب بمرته وانه مايعرف يتنقى لأن مرته شينه .....
هل هذا يعقل
تبوننا نسمعه بزاريننا وهو به هالهرج
وبعدين يجي الابو يقول لسند انه وده ينام عندهم ولاكن ما وده ينام عند المره ( ام سند )
لأنه امس ما خلتن انام ماغير تدغدغن وغامتتن بالبطانيه
هنا فيه خطأين
الاول : انهم مابعد نامو الى هالحين وهذي اول ليله له وهو فاقد الذاكره ,
وشلون يقول امس ماخلتن انام ؟؟؟؟؟؟؟
السيناريو
الخطأ الثاني : هذي مهب محاضره عن الحج علشان تعرف ان اللي يبي يسمعونه كلهم كبارين وعاقلين
يعني هالكلام المفروض يشفر عن البزران
هذا عمل فكاهي ويسمعه الصغار قبل الكبار وهالكلام مايصلح ينقال عند الصغار
واخيراً احب اشكر اخوي المتألق دائماً
خوي السرور على قرائته لأفكاري
وطرحه لهذا الموضوع الشيق وجزاك الله عنا خير الجزاء
وايضاً اخي
ahmad744 والله ان نفس الكلام اللي قلته كنت متحمس ابقوله ولاكن كان لك السبق
عسانا نتسابق الى الخير ,, اشكرك جداً
واشكر ايضاً اخواني العاملين في انجشه والله يقويكم على الخير واقول لكم انتبهو قبل لا تضيع الطاسه
الا هل بلغت اللهم فاشهد
هذا والله اعلم