وعليكم السلام ورحمه الله وبركاته
ابو فهد انا من رايي انك تحذف الموضوع قبل يجي مشرفنا الكبير عمر الصمعاني ويوديك للشارع التجاري بسطحه
انت الظاهر انك مثلي ماغير تعرف تضغط الشوتر ؟؟
وشو الشوتر
يمكن السكوتر ولا السوبر مادري
المهم
اذا انت اول مره تصور
احس انك تبي تبدع بعدين ولا ادري متى المده
ولاكن عندي لك نحيصه ( نصيحه )
انك تتعرف على المشرف العزيز .:. عمر الصمعاني .:.
وتلزق له وتصير معه 24 ساعه ونص
واي مره تشوفه يمسك الكميره حط وجهك بينه وبين الكميره
علشان تعرف وش يسوي بالضبط ...
اعيد واكرر
انت عندك موهبه ولاكن يبيله صقل
الله يسخرلك المصور اللي يصقلك صقل
وتكون بعده احسن شي مصور ,,,’’’,,,
والله الله بالكميره خله معك على طول
حتى وانت نيم حطه على المؤقت الذاتي
وترى التصوير مهب على الكميره
على اللي يصور
يعني ابيك تصور ازين صوره بكميرك
وانا ابجيب جوال باندا وابصور
وشرط ان صورتي ( تحوز على رضى الجمهور )
وانت صورك يحسبونه طابع بريدي
<<<<<<<< وش عنده عمر الصمعاني
على العموم لا تنسى نحيصتي ( سبق تعريفها آنفاً )
انشب لواحد يعرف يصور
~~ شكر خاص للمبدع عمر الصمعاني اللي كتبت اسمه ميه وميين مره .
هذا والله اعلم
اخوك ابو نجديه