خير ان شاء الله وش صاير ؟ على بالي والله قامت القيامة ولا خرجت الدابّة على هالموضوع !؟
الله واكبر مصيبة وطامة كبرى !!
لاه والمقهى لايبعد عن مقهى الشباب إلا 70 مترا !!
ههههههههههه ! ! الحمد لله والشكر !! وش لو ماكان بعد مايدخله إلا الحريم ؟
لا ! واللي يقول لك من هو له وكم رقم جواله واللي يقول لك لازم نوقف ضده ونحاربه بكل الوسايل !!
طيب وش بعد ؟ ماتبون ننصب له كمين نفجر بوه أحسن !! ترى هذا يمكن صاحب مخطط دنيء يبي يشيع الفاسدة في الذين آمنوا والأتقياء !! اللي هم أنتم طبعا !!
تبون الصراحه ؟ أنا وزوجتي دايم بهواش هي تقول دايم وعععععع يابريده مابه شي يفتح النفس ونا ادافع عن بريدة متوهق بعمري بس الحين ابي اعلنه قدام الكل وعععععع يابريده
بحياتي ماشفت ديرة أهله يجرونه للتخلف مثله !! ديرة تجمع كل المتناقضات !!
مظاهر قويّة للتديّن وعنصرية !!
إشاعة ظاهره للسلام والمحبة وحسد وقرادة !!
تظاهر بقبول الآخر وترحيب بوه لكن مع توجّس دايم وشك !!
اعتزاز ظاهري بالمرأة واحتقار لجنس الحريم وهضم لحقوقهن !!
قبل اشوي سجلت بالمنتدى ودخلت على منتدى بنت بريدة وطرحت موضوع قلت ليش مكتوب القسم بأعلاه خاص بالنساء كعنوان له وعلّقت عليه بطريقه ساخره لكن ماتعرضت لأحد معيّن بالنقد والتجريح وقلت إذا شاب دخل وكتب موضوع معيّن خلوه يكتب وبالنهايه يمكن يكون مفيد ولاغير مفيد يجري عليه مايجري على غيره بالاقسام الثانية !! دخلت عقب ساعه لقيت الموضوع محذوف من المشرف !!! مادري وراه على باله اني جالس اغازل هالموسوس وعلى باله انه اكتشفن قبل مايستفحل أمري !!هههههه اللهم لك الحمد على هالتفكير !!
المهم جزاك الله خير على انك علمتن بالمقهى ياراعي الموضوع لأني ابي آخذ زوجتي تغير جو هناك !! وابن ابوه اللي يقرب لي انا وزوجتي تراي واصل حدي
وتراه علامته انه تلبس بنطلون والعياذ بالله بس تحت العباة لكن عباة ساتره والحمد لله !!
على فكره ورا ماتكتب عن هالموضوع البنطلون تحت العباة !! ترى اذا كان المقهى مصيبة عظمى لازم يصير البنطلون داهية الدواهي !!
عجبي !!!!!!!!!!!!!!!!!!!!!!!
أقول قم بس قم