[بنت الشماسية]

اقتباس المشاركة الأساسية كتبها ابونجديه وعليكم السلام ورحمه الله وبركاته الموضوع جداً رائع ويطول الحديث عنه وزي ماقالو الشباب قبلي ان الناس يختلفون اغلبهم يهتم للشكل الا من رحم ربي ولاكن لو فكر الواحد بهدوء وعقلانيه ( مهب العضو خوينا ) كان اقتنع من الشي ذا يعني انا قبل فتره خطبت وحده محترمه وبنت ناس اجاويد ويوم اني رحت وشفته واثره ماشاء الله جميله ولاكنه قصيره شوي المهم طلعت من عندهم وبديت افكر بالبدايه قلت لنفسي انا مابه شي يعيبن والحمد لله ليش اخذ وحده كذا ؟؟؟ وبعدين بديت افكر ان البنت طيبه ومحترمه ومتدينه وزود على كذا جميله لولا قصر القامه وفكرت انه لو هالبنت اختي وجاء واحد يبي يشوفه بعد الخطبه وش يبي يكون موقفي هالوقت ؟؟؟ ابتمنى انه يوافق لو ادفع انا نص المهر ,,,, قلت بنفسي وشلون اقيس لنفسي بمقياس واقيس للناس بمقياس ثاني يعني هذي مابيه ولو هي اختي بنفس المواصفات ودي ان احد كفو يخطبه وبعدين اذا انا عييت اخذه وفلان عيا وعلان عيا والثاني والثالث كلهم عيو ياخذونه سواءاً هي او باقي البنات اللي من جنسه وبعد الاستخاره وافقت ولاكن ماكتب الله شي لأسباب غير هالموضوع بس احس اني مرتاح لأني نويت وتقدمت لهاشي ولاكن اراده الله فوق كل شي ولا اقول هالحين الا الله يوفقها ويرزقها العبد الصالح والذريه الصالحه هي وكل بنات المسلمين آمين يارب العالمين اخوكو ::: ابو نجديه

شاكرة مرورك أخي الكريم : أبو نجدية

وفعلاً تفكيرك منطقي وجميل ولعل المانع من زواجكما خيراً لكما

مرورك وتجربتك أعطت الموضوع بصمه جميله

بارك الله فيك ورزقك الزوجة والذرية الصالحه