[اسطرلاب]

غالب الشباب للأسف في المنتديات .. بعد أول اختلاف في وجهات النظر
أو ثاني اختلاف , تلقاهم بعده أنواع الملاسن , حتى لو كانوا يتفقون في الكثير ..
لكن فقط نظرية إثبات الوجود , وهذا للأسف من قلة الوعي بأدب الحوار ..

الشاهد من هالكلام .. أعجب القصص اللي سمعتها من أحد الإخوة الثقات العدول ..
ممن يأخذ قوله ويروى عنه :D

يقول :

حجيت في سنة من السنين مع إحدى الحملات ..
وكنت عزوبي .. فصادفت شخص في الحملة وكان ينام جمبي ..
حسيت إن الرجل ونعم , وارتحت له نفسياً .. بديت أسولف انا واياه شوي ..
لين قوت العلاقة مرة .. وصرنا جميع طول الوقت , كأننا نعرف بعض من سنين ..
يقول ومن العجب , بعد ماخلصنا الحج , كنّا جميعاً في نفس الطائرة راجعين للرياض ..
وهو بالطيارة كان جالس جمبي , جاء طاري الانترنت والمنتديات ..
فقالي إنه يشارك بالمنتدى الفلاني .. باسم فلان ..
يقول من يوم قال اسمه .. ودووووورن عاد ..
قلت متأكد إنك أنت فلان .. !
قال إيه , ليش !!؟

يقول قلت له معك فلان :D
وذكر اسمه في المنتدى

وفلان وفلان هذولا .. أنواع المهاوشات والمطاقات في هالمنتدى
وبدت بعدها علاقة قوية بينهم ..
ومازالت مستمرة حسب رواية الأخ ..


وهذا من نماذج العلاقات اللي تكون من قبل لها مشاكل :D




( راجع أرد عليكم واحد واحد .. بس اصبروا علي )