بريدة ستي - مشاهدة لمشاركة منفردة

المتزن · 17-04-2007, 04:30 AM

تسعة جالسين في مجلس يتحدثون فيه بحرقة وأسف وأسى عن حالنا البائس الذي وصلنا إليه وانتشار التبرج والسفور بين صفوف النساء في مجتمعنا .

طيب :

تعالوا نشوف حال هالصالحين المصلحين – ما شاء الله – وحال بناتهم وخواتهم وزوجاتهم .

1- يجدع زوجته أو خواته بالسوق ويروح .

وين يروح ؟؟!! للاستراحة طبعاً !!

واللي يقهرك زود , لا بدأ هالكمخة يتصدر المجلس ويتشكى ويندب حال الأمة العاثر من انحراف البنات وكثرة المغازل والنقاب الفاتن والعبايات المخصرة ومكياج السوق ( طبعاً تعرفون مكياج السوق :D ) و.... و .... .

وخذ من هالهرج اللي ودك تتوطى ببطن راعيه .

====

2- دائماً يهرج عن العفة والحياء والستر ويفغى روسنا بهالهرج وينتقد مظاهر الاختلاط , وزوجته تقهوي إخوانه أو تتقهوى معهم .

والا بعد تلقاهم يتعشون ويتغدون جميع وبصحن واحد !!

====

3- لو تلبس أخته أو زوجته cut أو ربع كم أو ميدي أو بنطلون أو قصير عند الحريم , كان يلعن سنسفيله .. لكن تروح للسوق لحاله وهي لابسة نقاب ومطلعة يدينه عند الرجال , ما يخالف .

أتحداكم تدرون معين يفكر هالجلمة ؟؟!!

====

4- خواته وزوجته يطلـّعن يديهن بالسوق عند الرجال ما يخالف .. لكن لو تلبس الوحدة منهن عباة كتف فضفاضة مثلاً , خطر يسوي به جريمة ويتهمه باخلاقه !!

طبعاً هذي مهيب نظرته لحاله , نظرة دبش كثير بالمجتمع .

====

5- لو يدق عليه خويه وترد أخته أو زوجته , كان يتوطى ببطنه .. لكن تروح للسوق لحاله وتهارج الرجال اللي يبيعون وتكاسرهم ويمكن تترجاهم يجدعون له خمسة اريل , ما يخالف .

وش فيها ؟؟!!

====

6- كشف الوجه حرام وكبيرة من كبائر الذنوب , لكن تطليع اليدين ولبس النقاب ومهارج الرجال الأجانب بالسوق ومكاسر البياعين والركوب مع السواق , ما يخالف .

====

7- بعضهم يودي أخته أو زوجته لمحل .. تنزل هي وهو يقعد بالسيارة يحتريه .

أصلاً أنتم ما تدرون .. قاعد يقرأ جريدة أو يسمع الأخبار خصوصاً أخبار الجهاد بالعراق .

بس اللي ينزل معه للسوق ويخليه تدخل المحل وهو يقعد برا المحل .. ظنكم يسمع الأخبار ؟؟!!

لكن ترى الظلم شين .. فيه ناس يدخلون معهن للمحل , بس يخلونهن هن اللي يهارجن راعي المحل ويكاسرنـّه .

ما تدرون , , يمكن عنده رباط صليبي أو تمزق بالصفاق أو يمكن مشغول ينقم فصفص .. الزبدة : هنـّه يهرج , القوامة مهيب له .

====

8- خواته أو أهله يبون عشاء من المطعم , يتصلون على المطعم ويجي هاك اللبناني المتكشخ من برا ( ومن جوا يعلم الله ) ويرن الجرس .. ترد عليه حدا البنات وتطلع له حدا البزران " حسب الموجود " .

والله يستر كان ما فيه بزران هاك الوقت .

طيب وين الجحلـّط إخوانهن ؟؟!!

رايحين لاستراحاتهم , يلعبون بلوت ويهرجون عن المشاكل الاجتماعية والتبرج والسفور وانحراف الفتيات . :082:

====

9- يتعب من " ود وجب " , يتأمل ويفكر بعمق فيجد الحل المناسب هو إنه يجيب سواق .

يوم جاء السواق , صار هو الكل بالكل .. يودي للمدارس ويودي للسوق ويجيب أغراض البيت ويودي للعروس والعزايم والمناسبات ( طبعاً تراهن ما يتزينن ولا يتعطرن وهن مع السواق ولاشيء !! ) ويشري مستلزمات الدراسة والله يستر لا يسافر بهم لمكة بعد .

طيب : وش دور أخينا في الله ؟؟!!

أو بس نوم و... !!

ما قلت لكم إن الرجولة عندنا في أزمة ؟؟!!

أخيراً :

ما ذكرناه هي مجرد أمثلة لأبيـّن لكم أننا مازلنا نعاني من أولئك الضعفاء المتناقضين والمرضى النفسيين الذين يتشدقون ويدعون المثالية وهم أبعد الناس عنها . وهؤلاء مع الأسف يمثلون ظاهرة يراها حتى الأعمى .

اللهم اجعلني ناصحاً متفكراً لا شامتاً .

وتقبلوا تحياتي 00
المتزن

17-04-2007, 04:30 AM	#1
المتزن عـضـو تاريخ التسجيل: Mar 2002 البلد: بريدة المشاركات: 2,071	الرجولة عندنا في أزمة !! تسعة جالسين في مجلس يتحدثون فيه بحرقة وأسف وأسى عن حالنا البائس الذي وصلنا إليه وانتشار التبرج والسفور بين صفوف النساء في مجتمعنا . طيب : تعالوا نشوف حال هالصالحين المصلحين – ما شاء الله – وحال بناتهم وخواتهم وزوجاتهم . 1- يجدع زوجته أو خواته بالسوق ويروح . وين يروح ؟؟!! للاستراحة طبعاً !! واللي يقهرك زود , لا بدأ هالكمخة يتصدر المجلس ويتشكى ويندب حال الأمة العاثر من انحراف البنات وكثرة المغازل والنقاب الفاتن والعبايات المخصرة ومكياج السوق ( طبعاً تعرفون مكياج السوق :D ) و.... و .... . وخذ من هالهرج اللي ودك تتوطى ببطن راعيه . ==== 2- دائماً يهرج عن العفة والحياء والستر ويفغى روسنا بهالهرج وينتقد مظاهر الاختلاط , وزوجته تقهوي إخوانه أو تتقهوى معهم . والا بعد تلقاهم يتعشون ويتغدون جميع وبصحن واحد !! ==== 3- لو تلبس أخته أو زوجته cut أو ربع كم أو ميدي أو بنطلون أو قصير عند الحريم , كان يلعن سنسفيله .. لكن تروح للسوق لحاله وهي لابسة نقاب ومطلعة يدينه عند الرجال , ما يخالف . أتحداكم تدرون معين يفكر هالجلمة ؟؟!! ==== 4- خواته وزوجته يطلـّعن يديهن بالسوق عند الرجال ما يخالف .. لكن لو تلبس الوحدة منهن عباة كتف فضفاضة مثلاً , خطر يسوي به جريمة ويتهمه باخلاقه !! طبعاً هذي مهيب نظرته لحاله , نظرة دبش كثير بالمجتمع . ==== 5- لو يدق عليه خويه وترد أخته أو زوجته , كان يتوطى ببطنه .. لكن تروح للسوق لحاله وتهارج الرجال اللي يبيعون وتكاسرهم ويمكن تترجاهم يجدعون له خمسة اريل , ما يخالف . وش فيها ؟؟!! ==== 6- كشف الوجه حرام وكبيرة من كبائر الذنوب , لكن تطليع اليدين ولبس النقاب ومهارج الرجال الأجانب بالسوق ومكاسر البياعين والركوب مع السواق , ما يخالف . ==== 7- بعضهم يودي أخته أو زوجته لمحل .. تنزل هي وهو يقعد بالسيارة يحتريه . أصلاً أنتم ما تدرون .. قاعد يقرأ جريدة أو يسمع الأخبار خصوصاً أخبار الجهاد بالعراق . بس اللي ينزل معه للسوق ويخليه تدخل المحل وهو يقعد برا المحل .. ظنكم يسمع الأخبار ؟؟!! لكن ترى الظلم شين .. فيه ناس يدخلون معهن للمحل , بس يخلونهن هن اللي يهارجن راعي المحل ويكاسرنـّه . ما تدرون , , يمكن عنده رباط صليبي أو تمزق بالصفاق أو يمكن مشغول ينقم فصفص .. الزبدة : هنـّه يهرج , القوامة مهيب له . ==== 8- خواته أو أهله يبون عشاء من المطعم , يتصلون على المطعم ويجي هاك اللبناني المتكشخ من برا ( ومن جوا يعلم الله ) ويرن الجرس .. ترد عليه حدا البنات وتطلع له حدا البزران " حسب الموجود " . والله يستر كان ما فيه بزران هاك الوقت . طيب وين الجحلـّط إخوانهن ؟؟!! رايحين لاستراحاتهم , يلعبون بلوت ويهرجون عن المشاكل الاجتماعية والتبرج والسفور وانحراف الفتيات . :082: ==== 9- يتعب من " ود وجب " , يتأمل ويفكر بعمق فيجد الحل المناسب هو إنه يجيب سواق . يوم جاء السواق , صار هو الكل بالكل .. يودي للمدارس ويودي للسوق ويجيب أغراض البيت ويودي للعروس والعزايم والمناسبات ( طبعاً تراهن ما يتزينن ولا يتعطرن وهن مع السواق ولاشيء !! ) ويشري مستلزمات الدراسة والله يستر لا يسافر بهم لمكة بعد . طيب : وش دور أخينا في الله ؟؟!! أو بس نوم و... !! ما قلت لكم إن الرجولة عندنا في أزمة ؟؟!! أخيراً : ما ذكرناه هي مجرد أمثلة لأبيـّن لكم أننا مازلنا نعاني من أولئك الضعفاء المتناقضين والمرضى النفسيين الذين يتشدقون ويدعون المثالية وهم أبعد الناس عنها . وهؤلاء مع الأسف يمثلون ظاهرة يراها حتى الأعمى . اللهم اجعلني ناصحاً متفكراً لا شامتاً . وتقبلوا تحياتي 00 المتزن __________________ في المجتمع المريض الاستشهاد بالرجال أولى من الاستشهاد بالأدلة والأفكار !!