[المنخرش]

السلام عليكم ورحمة الله

حيا الله هالوجيه السفيرة..

ندخل بالموضوع ..






ألاحظ في هذا الوقت خاصة .. كثرة الأساليب المشينة واللتي لانستغني عنها.. وكانت كالعادة لانستطيع الخلاص منها أطلاقاً إلا من رحم ربي


صديق يتصل / ألو .. السلام عليكم .. (وينك الحين؟) مشغول ولا فاضي؟

ياإلاهي وكأنك في تحقيق

وأنا أجزم تماماً أنها من غير قصد ومن غير فكر .. لأنها عادة مثل كلمة (الو)
فهو سلوك مشين وسيء .. وكأني أدخل لصاحبي الأحراج حينما أتكلم معه بهذه الطريقة

..

أخوكم طاح بهذي المشكلة والحمد لله تم التنبيه عليها :D
وأنا الآن أنقلها لكم . لأني بدأت أنتبه لها وربعنا كثارين طايحين به مثلي لكن مايدرون :D
فعلاً والله ماكنت أدري

في ذاك اليوم .. أتصلت على قريب لي
ثم حققت معه :D
وينك؟
مشغول؟
ومن هالكلام

أجابني بكل غيض ليرى ماذا أريد

هو/أنا عند بيتنا
ومشغول .. وش عندك؟

أنا/ أبد والله حبيت أسألك عن سيارة أخوك بكم بعته؟

ولسان حاله يقول(وش دخل أسئلة التحقيق)؟ :D


جاوبن وسكرت السماعة


وبصراحة توي أتذكر المكالمة ولا أعرف لماذا كان غاضب :D
لكن الآن عرفت







لو نحسن من سلوكنا قليلاً .

أبو فلان أنا بالمكان الفلاني وإن حصل مر علي

(إذا كان قريب منك) ماهب مقصر
وإن كان بعيد بيعتذر

+++
سألت أحد الشباب .. بعد أن أطلق التحقيق
أنا/ الحين وشوله تسألني عن المكان ؟ ولا ليش تسألني إذا كان عندي شغل الليلة؟
هو/ أزين علشان أحجرك إذا قلت ماعندي شي .. أقولك نبي نطلع أو مرني بالمكان الفلاني..
+++

وقاحة بصراحة

أنا لو أنا ماعندي شي وفاضي .. كان ماجيت عناد :D




مادري وش رأيكم هل هذا من حسن السلوك بوجهة نظرك .. ؟
وهل تعتقد أن الأسئلة هذه ترفع من رصيدك ..؟
وهل أنت ممن لديك هذه الخصلة؟
وهل تسمعها من غيرك؟



طبعاً الوالدين مستبعدان من هذا النقاش .. !



بانتظاركم...


محبكم/أبو فهد