[شديد الملاحظة]

اقتباس المشاركة الأساسية كتبها بـــارق المفروض يكون العنوان أمانة منطقة القصيم تدعو التويجري لمنحهم أراضي ببريدة الله يرزق الجميع إن شاء الله

صدقت وأحسنت بالتعليق !


فعلا مهزلة وفضيحة !!
سكان بريدة حسب آخر احصاء أكثر من نصف مليون ,
بالتحديد : 505845

كم عدد أفراد عائلة التويجري الموقرة ببريدة ؟ !!!
خل نقول خمسة آلاف إذا كثرنا ! طيب عشرة آلاف مو مشكلة !

كم كان نصيبهم من المنح ؟
بعد ماقريت التعليق , ضغطت على f+ctrl وكتبت اسم التويجري وجلست أعد لحد المية ! تعبت ووقفت ! يعني كان نصيبهم أكثر من مائة !! يعني بحسبة تقريبية أخذوا حول 20% مع انه نسبتهم داخل المدينة مايتجاوز واحد أو اثنين بالمية على أكثر التقديرات المجازِفة !

الحين يطلع لنا واحد ويقول إنكم حسودين ويمكن يكتب موضوع عن بريدة إنها ديرة حسد !

وحنا نقول له مقدما : الله يرزقهم ويرزق الجميع وأنا عن نفسي شخصيا بغنى الحمد لله عن المنح !

لكن :

الشي هذا وغيره اللي يصدر من البلدية وغيرها من الدوائر الحكومية يفضح التلاعب اللي قاعد يصير ......! ولاحسيب ولارقيب يفرض العدل والمساواة بين المواطنين بغض النظر عن أي محسوبية تفتك بجسم الوطن وتنشر الضغينة بين المواطنين !

الناس لهم آذان يسمعون به وعيون يشوفون به وعقول يفكرون به وأقشر الناس يرضيه حقّه لكن أبسط الناس لايمكن يرضى يشوف حقه يضيع لحساب ناس ثانين علشان انتمائهم لعائله معينة ولاعرق معين ولامنطقة معينة !

صورة مع التحية لمقام أعضاء المجلس البلدي ( الموقّر ) !
صورة أخرى للإمارة التي تشرف على عمل جميع الدوائر الحكومية وتقوِّم الخلل فيها !


صورة أخرى لنا نحن أبطال الزمن الرديء !