|
شكرا ياتحيه وخذ تحية""""
ابا قولك قصتين حصلت لي مع البعارصى :
الاوله: شريت ام صتمة وضرب بهن ذبحت منهن يجيلهن 18 دون اللي كسرت من النجفات ثلاث وضرب اللي يقطع ذنبه واللي مع بطنه واللي مع راسة هذا بالمزرعة ويوم جيت اغسل وفوق المغسلة نجفة عجزت اغسل من كثر البق والحشرات ورجعت وبعد نص ساعة واشوف البعرصي كبير (الابو) ياكل منهن عيت تسمح نفسي اني اذبحه لانه ينظف الجدران من الحشرات وقلت سبحان الله كل شي له شي تصدق ان اكل الحشرات من البعرصي توازن بالحياة ، وتركتهن بس اللي بالمزرعة واما اللي بالبيت او المطبخ او الغرفة اطيره بام صتمه او اللي يوذي ويشغلنا نعطيه وحده...
الثانية: مرة بالمزرعة دخلت الحمام الله يكرمكم واناظر اثره بعرصي يأكل صارور يوم قضى من الاول يلحق الثاني انا طلعت من الحمام وفتحت الباب واتابعه وش يبي يصير وملاحق الصارور طلع برى والبعرصي بالجدار يتابعه ويوم دريت وينزل بسرعه ويقطع رجل الصارور ويحوس الصارور والبعرصي حوله والا يجيك البس مسرع يمشي الف وياخذ البعرصي ورجل الصارور جميع ويستانس عليه عاد قلت انا سبحان الله اللي اكل الصارور البعرصي واللي اكل البعرصي البس في وقت واحد ..ز
واحد يقول: البقه ياكله البعرصي والبعرصي ياكله البس والبس ياكله الكلب والكلب ياكله الفلبيني ..هاه هاه
__________________
.((((وقال الحافظ ابن رجب رحمه الله تعالى في [الحِكَم الجديرة بالإذاعة: ص43]: (( رُوي عن الإمام أحمد أنه قيل له: إن عبد الوهاب الوراق ينكر كذا وكذا، فقال: لا نزال بخير ما دام فينا من يُنكر )) ، ومن هذا الباب قول عمر لمن قال له: اتق الله يا أمير المؤمنين، فقال: لا خير فيكم إن لم تقولوها لنا، ولا خير فينا إذا لم نقبلها منكم .))))"" حراسة الفضيلة ـ الشيخ بكر ابوزيد حفظه الله تعالى""
|