[صاحب الفخامه]

الوالد الله يخليه لي { قولوا امين قولولها ماقلت اقروا وبس } المهم يقول كان معي واحد من اخوياي توفى الله يرحمه وهوماشاف وجه مرته والمشكله ماوقفت على كذا وبس عياله باعمارنا حنا مو ابوي ههههه اخذو منهج ابوهم فيهم اللي تزوج ولا شاف مرته لا قبل ولا بعد والي يقول مستحيل اشوفها ليش انا احسن من ابوي مات ماشاف امي وامهم بعد والله ماشافوها قال ايش قال عيب مدري عادات وتقاليد اي تقاليد اللي تخليك ماتشوف امك ؟؟؟


انا لو محلهم والله طق فيني عرق ومت !! كل شي الا اميمتي ماتحمل تكون قدامي ولا اشوفها
اما عن العلاقه بين الاب وبنته اوبين الاخو واخته فانا اشوف انها من الافضل لا بل من الواجب انها تكون علاقه قويه تربطها باخوها وبابوها يعني مدري تصدقون والا ماتصدقون والله ياخواتي من قو علا قتي فيهن اني احياناً احس اني اعرفهن اكثر من انفسهن!!
اما الوالد وخرررر الوالد فله على كيف كيفك ههههههههه <<< نظل نفسه
على ماقيل حطه على الجرح يبرى مو علشانه ابوي امدحه لا والله احسه باغلب الاوقات الصديق اللي اذا احتجته لقيته او الاخ اللي لا عسرتني حاجه لجأت له لا وبعد فوق هذا كله طقة البلوت مااطقها الا معه مدري ليش ماستانس ولا احس للعبه طعم الا اذا قابلته يمكن البعض يقول هذا يتكلم من نسج الخيال لكن يشهد الله ان كل اللي قلته من واقع الحال اللي انا عايشه ومع كل ذلك مانسيت انه الوالد وله احترامه ....