[سلطان العلي]

اقتباس المشاركة الأساسية كتبها اابوراكان شــمــر كبار الـروس ماهــم خفـــايـــا _ الله خــلقـــهــم بـيـن الأسياد ساداااات وين المناصب عقب ذيك الحلايا ___ روسهم مقطوعة في كل ساحاااااات

لي لابتن وسط العرب ترفع الراس
وعقولهم ماكل عقلن يقيسه
بايمانهم حازوا على كل نوماس
ومداتهم تسعد قلوبن تعيسه
شمر هل المدات لاهب نسناس
وعدوانهم بالغيظ يكثر ضريسه
منهم معشي بالدجى ذيب الاطعاس
ذيبن حداه الكبر دون الفريسه
نادى مكازي خايفن قطع الارماس
وقلط خروفه له بنفسن ونيسه
وان كان ضيفان االدهر ذاقوا الباس
وشافوا جفاء وجه العفون الخسيسه
ربعي علاج اللي شكى كل هوجاس
منهم عريب الساس راع اللحيسه
وشالوا كسيرن باللواهيب منحاس
نصف الشهر والقاع قاعن نحيسه
شاله رجالن ماوطت درب الادناس
لاباق ممهون الكرامه جليسه
مع نقوة الشلقان والساق مقواس
في لاهبن ينجض جنوبك وطيسه
شالوه شلقان المراجل على الراس
والزاد زين الزاد تالي حميسه
يفرح بنا الطرقي وخطار الادماس
عن واحدن يخفي عن الضيف كيسه
للنار شبابن وللبن حماس
ما فرقوا مابين سبت وخميسه
والصبح لاركبوا على قب الافراس
كم شيخ قومن تحت خيله وديسه
عدواننا تطوي حباله على الياس
والجار يشدا بالوناسه عريسه
ناخذ بمرباع المعادين مرواس
وديارنا بالغصب محدن يجيسه
لاجاضع المنزوع مدقوق الالعاس
وتلقى ردي الخال يكثر نسيسه
شيباننا مابين دله ومحماس
وتفاقنا كلن قضب منتريسه
وفرساننا يشدون عنتر وجساس
لو زاد بايام العقارب قريسه
ناسن بجمر الغصب ماطاعت الناس
وبالطيب تجدع لك نوادر غريسه
طيبن خذوه وريق الاجواد يباس
ماهي سواليف الرخى واتهليسه
شالوا زهور الطيب من كل الاجناس
مثل الجبال البيض ماهي دسيسه
ماهي دواوينن على بيض الاطراس
للي مضى عمره يخضخض مريسه
تلبس بضيفات العرب زين الالباس
وان جت وقوت العزم صارت فطيسه