[أبورائـــــــــد]

اسطرلاب هنا !!!
يالهوي ..
.
.
.

بالنسبة للمذاكرة وايام المذاكرة .. ياهي حلوة .. رغم أنه عصيبة في بعض الأحيان ..
لكن الغريب .. مايجي الإبداع والإبتكارات والمشاريع وفيضان القريحة إلا بالإختبارات ..

أذكر واحد من الشباب .. يوم بدت الإختبارات راح فصل له كنبة ومركاة عشان يجلس عليهن ..
وبدى يصك على روحه بالغرفة .. وياما نقل المركاة وحطه يمين ، همن جاب التلفون وحطه يسار ، همن لا بدى يدرس شال الكنبة وحطه قبال المكيف ثم يبرد ويشيله ويحطه عند الطاولة وعلى هالحال هو وكنبته لين قضت الإختبارات راسب بـ 3 !!

أما الدراسة الجماعية لا تهمك .. أذكرت رحت أدرس مع بعض الشباب بالمسجد ، وكان الوالد يقول شوري عليك لا تروح !!
المهم رحت ، طبعا قلهم طلاب شرعي .. الخطة حيض ونفاس .. المهم أنا على نياتي ماسكن لي عمود وأدرس ..
ومادريت إلا ومدير المجموعة يلحق واحد بسلك الشاحن .. وووون طع طع
( اسكت خلنا ندرس ولا ترى أبضربك بسلك الشاحن ) ( أتحداك ) ( يا اباعبيدة ، امسكه واضربة )
ماتسمع إلا لبخ ولبيخ ، أمتس يادراسة
امسكه ، حده ، صب شاهي ، شغل بلوتوثك ، لاترفع صوتك ..

هعات ،،