[المتزن]

اقتباس المشاركة الأساسية كتبها ليث الغاب سبحان الله . حلق اللحية مافيه شي ! الأغاني مافيها شي ! الصلاة في المسجد مع الجماعة فضيلة ! الحمد لله على العافية . الحين الله يسلمك يابو فهد هذا وأنت تقول في أحد رودك بالمنتدى أني لست بطالب علم ولا مجتهد ذولي أقوالك ! ، وشو لو أنت طالب علم ومجتهد ؟ المهم الله يحفظك كيف نجمع بين قولك هذا وبين ترجيحاتك واختياراتك ؟ والمشكلة إنك ترجع في الغالب من دون عزو لأحد يعني ليتك تقول وهذا مذهب مالك وأنا له مقلد ؛ لا أنت تجيب الأقوال وترجح فهل لديك آلة الترجيح لتختار ماتره صحيح وأنه راجح ؟ يعني كلام يضرب بعضه بعض ! يعني هل حويت من العلم مايكون لك ملكة في الاجتهاد والترجيح ؟ وأنا على يقين جازم إنك تبي تلف وتدور لما تشوف لك مخرج لكن مايهم المهم إني ودي أقولك : يبدو لي إن تتبعك للرخص الشاذة نابع عن سابق تشدد لك ! يعني شكلك منول متشدد فتحررت من التشدد إلى التساهل كردة فعل ! هذي وجهة نظري ولا ألزم بها أحد

ياهلا والله ومسهلا بك ياليث الغاب

الحين الله يسلمك يابو فهد هذا وأنت تقول في أحد رودك بالمنتدى أني لست بطالب علم ولا مجتهد ذولي أقوالك ! ، وشو لو أنت طالب علم ومجتهد ؟
المهم الله يحفظك كيف نجمع بين قولك هذا وبين ترجيحاتك واختياراتك ؟ والمشكلة إنك ترجع في الغالب من دون عزو لأحد يعني ليتك تقول وهذا مذهب مالك وأنا له مقلد ؛ لا أنت تجيب الأقوال وترجح فهل لديك آلة الترجيح لتختار ماتره صحيح وأنه راجح ؟ يعني كلام يضرب بعضه بعض !
يعني هل حويت من العلم مايكون لك ملكة في الاجتهاد والترجيح ؟

طيب وش الفرق عندك بين اني أرجح بين الأقوال , أو اني أقلـّد عالم من العلماء قال بذاك القول ؟؟!!

أنا إذا قلت صلاة الجماعة فيها عدة أقوال : 1- أنها فرض عين وهو قول الحنابلة . 2- أنها ليست فرض عين وهو قول جمهور العلماء . ثم قلتُ إن الراجح هو قول الجمهور .. أو قلت إني أقلد جمهور العلماء كالإمام مالك والشافعي وأبي حنيفة وغيرهم .

وش الفرق عندك ؟؟!!

يعني سواءً قلت ان هذا القول هو الراجح أو قلت اني أقلـّد الإمام مالك وغيره .. النتيجة وحدة وانا اخوك .

والا وش رايك انت ؟؟!!

لكن مايهم المهم إني ودي أقولك : يبدو لي إن تتبعك للرخص الشاذة نابع عن سابق تشدد لك !
يعني شكلك منول متشدد فتحررت من التشدد إلى التساهل كردة فعل !

ما سبق وأن كنت متشدداً أبداً في حياتي , بل ولم يمر عليّ وقت ولو قصير كنتُ أميل فيه إلى التشدد في الدين .

أقول هذا الكلام فقط للتوضيح والبيان لك ولغيرك من الأخوة والأخوات .


وتقبل تحياتي 00
المتزن