|
مرثيه في أحد امراء الرشيد للشاعر الكبير محمد العبدالله العوني "رحمه الله"................
شاعر السياسة و الحرب
يا راعــــي القـــبر الذي بايسر القـــور *** غــربٍ عن الســــمرا بـــريعــــــان حايــل
مشــطرٍ كـــنّه عــن النـــاس مجـــدور *** يـــما عــــليك مــن القلـــوب الغـــلايـــل
العــفـــــو ياما بك من العــز مــذخـــور *** لو هــي جــــذت عنك سنـــيــن قلايـــل
عســاك بالفردوس تــرجـح لك الحـــور *** لو كــــان خلــــيـــتن ولابـــك عــــقايـــل
خليــتني فردٍ مع النـــــاس مـــثـــبــور *** واعــــرف ترا مالي بـــحايــــل مسايـــل
لاتحسبني يا أشـــقر الريش مسـرور *** أو زاد درت بـــــك العـــــوض والبــــدايــل
لا والله إلا غبت وغاب عن عيني النور *** ومـــن بينـــنـــــا حالت كبار النـــثــــايــل
والله يا لـــــولا لي بــبـــرزان ماســـور *** أرجي عسى بـه مـــن طــبوعك مثــايـل
واطلب به الأسباب لوقيل محــقــــــور *** وأرجي عســـى يـــظهر ويبرد غـــلايـــل
فلا قيـــم يوم بيــن درعــــان وســـرور *** وأشــــوف خيــــلك يــــركبــــونه رذايــل
ولا أشوف سيفك كل يوم مــع الكــــور *** وقــــصـــوركم بـــه غــير أهلكم نزايـــل
الخـــابـــر الله كــــان مقعـــد بهـــا دور *** ولانــــيب مـــن يصـبر على شوف حايـل
عنــدي ذلول فوقـــها ننســـف الكــــور ***ولي عند صبـــــيـــان المــعرفه دلايــــل
وأدوج بالدنــيــــا ومــــا حـــل مقـــدور *** وأقـــــول راحو والخـــــلف بالبــــدايــــل
لاشــــك واللي يجلي الليـــل بالنــــور *** ماطلــــب بدلـــكم من جميـــع القبايــــل
معــكم ومنكم بالتـيـــاسير وعســــور *** هـــــــرجٍ يعرفونـــــه رجالٍ صـــمايــــل
يحرم علي مصاحبـــة كــــل منعـــــور *** للحشــــر ما تســــكن علي الحلايــــل
|