الاخ نور الشمس.....
تقول: هل انتي رجال تعول اولاد وبنات ===== وارد عليك : اعرف لك ناس وش كثرهم بعد , مكافاة الكليه مساعدتهم على العيش في هالزمن الصعب واعتقد مايخفى عليك ان الرجال الان مو بسهوله يلاقون وظايف .
واقول بعد يمكن مالك اقارب ايتام او ماسمعت عن ايتام من حولك
فقلي بالله عليك البنت اللي مالها من يصرف عليها يعني يتيمه وش تسوي ؟؟؟؟تستنى احسان والاصدقه كل يقول نفسي نفسي .والا تمشي في طريق بطال!!!!!!؟؟؟؟؟؟؟
اما الاقساط فقد جبتها. واسمع مني قصة احدى الاخوات بارك الله فيها .......
امها امراه كبيره ومقعده وتسكن عند ابنها وحالته الماديه متوسطه وزوجه الابن لن تقوم بخدمة الام وحملها والاهتمام بشوونها اضافة الى شوون بيتها واولادها وزوجها فهذا صعب حتى لو اجتهدت,فقامت البنت وهي متزوجه وطالبه بالكليه في السنه الثانيه باخذ قرض من احد الاقارب على ان تسدد من راتب الكليه .
باعتقادك لماذا البنت اخذت قرض وتسدده من راتب الكليه البسيط ؟؟؟؟؟؟
هل للتبذير والصرف على قطه الاستراحه كما يفعل بعض الشباب , ؟ ام للكشته والصيد مع الربع ؟؟ ام لتسديد قرض السياره الكامري موديل 2002 ,,,؟؟؟؟؟؟
اتدري لماذا لاستقدام خادمه تقوم برعاية امها المسنه .
طيب وشي اخير............
البنت اللي مالها اخوان يودونها للكليه والباص من الفجر يجيها ولا توصل البيت الاحول العصر والمسكينه وراها بيت ووراها امتحانات تضطر انها توجر سائق من ذوو المحارم واقل سواق ب350 ريال هذي منين تجيب كل هذا تسرق؟؟؟؟؟؟؟
والبنت اللي قسمها دايم يطلب اعمال تصل تكلفته احيانا الى 1000 ريال من تجيب بعد تسرق؟؟؟؟؟
ياخي احمد ربك على النعمة اللي انت فيها واللي اهلك وبناتكم فيها ولاتعتقد ان كل الناس عايشين مثلكم.
واذا انت تسمع عن نماذج لبنات يسئن استخدام المال فليس من العدل ان تعمم ذلك على كل بنات المسلمين.
واخيرا الحمد لله رب العالمين.
ووين المسوولين نبغى حل او تفسير لمساله تاخير المكافات.؟؟؟؟؟؟؟