|
هلا ومرحبا ابو دحيم ... شوف إذا كنت تبي تتوظف في القصيم على طول ... مافيه إلا الصيدلة والمختبر ... ومن ثم فني أسنان ... وهج عن التمريض والأشعة والسجلات الطبية لأنه ما في أمل تتوظف في القصيم ...عشان زميلي فحط تفحيط عجز يدخل منطقة القصيم وهو أشعة ... وبعدين ترا المعاهد الأهليه تبي تطول شوي ... أقصد فيه إختبار للهيئة السعودية للتخصصات الصحية ولها فرع في مستشفى بريدة التخصصي ... لكن إن كان تبي شوري أنا أعرف عسكري الان يدرس في الأكاديمية الصحية في المساء يعني أدرس ودس على نفسك يالذيب مصاعب الحياة الأن ماهي مثل قبل وأرخ الريال لا يهمك دام أن الموضوع في سبيل التعليم ... لأن المثل يقول إتعب صغير تلعب كبير والعكس ... وإن بغيت شي أنا تحت أمرك.
*** فائدة ونصيحة لك يا أخي الكريم :
أنت رجال , يعني لا تهتم بموضوع مكان الوظيفة ما ضر شيباننا مسحوا الارض كله ... وصارت ذكريات لهم.
|