اهلين وسهلين بصاحبة الدار...
انتِ وش تقصدين بالفطور..هل هو فطور للصائمين المغرب؟
او الفطور الصباحي؟
ان تسانه الصبح خوذي فول وطماطم مهب الطماطم العادي لا المطبوخ ان تسانتس تعرفينه واذا
ماتعرفينه علمين اقولتس اياه..ترى طعمه زين
وخوذي معهن خبز حار
(عجوزالاخت
اما اذا كان للصائمين ..اولا-تمر سكري مع القشطه الطازجه حقت السلمان___(راعين طويله ذولا)
ثانيا-الحلا خوذي من الارياف دونات تراها روووعه....كل شي جاهز لاتكلفين نفستس(عجازه ذي)
ثالثا-الفطائر وا ادراك ماالفطائر مثل ماقلت لتس الارياف فاتحٍ بابه خوذي سمبوسه-وفطائر بالخضار
وفطيره باللبنه وبيتزا..........
اما طريقة استقبال الضيوف -
جيبي من ابو ريالين العلبه اللي اذا درتي به تطلع قراشيع مجمعه------(يازين الوصف)
وخلي البنوتات ياقفن واذا جو الضيوف يفتحون العلب عليهن.. وهذي تعبر عن الترحيب والفرح
وايضا يكون فيه انشوده ترحيبيه بالضيوف-
وحلو لويكون فيه بنت على شكل عجوز عند الباب
--(يازينتس ساكته ههههه)
قصدي يكون فيه بنت لابسه لبس عجوز وترحب بالضيوف عند الباب....
بس هذا اللي عندي
والله يوفقكم....