[الشجاع]

لله درهـ .. لأنه تابع للمرور ..
بس لو صار رجل هيئة .. تسن الملعون ولد الملعون ..


أنا ما أدري إيش البلاغ اللي يحتاج إنك تقطع إشارة وأنت مسرع ومولع أنوار السفتي بس .. ..
ماسواها الإسعاف وهو يباشر حادث فيه ضحايا يسويها هالأرعن .. ..
هذانا نشوفهم بالحوادث .. لبلغت شف التأخر والمماطلة .. تتصل مرتين ثلاث يالله يجيك المرور ونفسه براس خشمه ..

اقتباس فها هو رجل الامن .. بكل شجاعه وافتنان .. يرد على طلب الواجب

نعم الإفتنان الذي أودى بحياة الأبرياء .. ..
على طاري الإفتنان .. وش موقعه من الإعراب هنا .؟.

ع العموم .. مهب أول واحد يقطع إشارة .. علشان نقول مضطر وبلاغ عاجل .. نشوووفهم كثير والله .. مجرد يولع السفتي ويقطعه وهو يتمشى .. وأول مايتعداهـ يطفيه .. وعلى هداوهـ ورواقه .. لا يباشر بلاغ .. ولا يفزع لمواطن .. ..
رجل هالأمن الباسل .. ..

ألحين ياعزيزي .. بزران يطلع من الثانوي ومع دورة لمدة سنة ويمسك دورية .. يالله يارجل أمننا الباسل .. شف شغلك ..
والله يلعبون مع إخوياهم لشافوهم .. يوقف وراوهـ ويمزح معه ببوري الدورية ..
ولا .. لسلم الدورية بعد دوامه يركب ربعه ويلحق على أماكن التجمهر والتفحيط ..
معرووفين بأسماؤهم وأشكالهم وسياراتهم ..
واحد بحي الإسكان بإسمه .. وربعه .. وسيارة الدولة اللي يباشر به ..
لسلمه .. أخذ ربعه وجا يدور عند بيت فلان .. بالحي الفلاني ..

وجالس تقولي .. رجل أمننا الباسل .. ..

أول من يقطع الإشارة .. رجل أمنك هالباسل .. إن صار بسيارة الدولة .. شغل السفتي وهو ماشي على السريع ..
وإن صار بسيارته يبي يمسكه خويه .. وياخذ هو وياوهـ سولافة .. ويمشي ..

آهـ يارجل أمننا الباسل .. صرنا نخاف نمشي والإشارة خضراء .. علشان ماتطلع علينا وتروحنا في خبر كان .. ..
وبالأخير تصير معذور لأنك مباشر بلاغ عاجل وضروري .. رايح تنقذ مواطن صاك ولدهـ على نفسه بالدورة الله يكرمك .. ..