[وحــــــــداني]

اقتباس المشاركة الأساسية كتبها مدحت شوقي بريده هلا بالبي وحداااااااااااااااني .. تبي الجد يالبي .. انا إذا حست إني ابدخل للمطبخ قالت لبراهيم .. ابراهيم رح إقفل باب المطبخ وجب المفتاح .. شكل هالثور ناوي يدخل المطبخ همن يحوسنا .. لأني إذا دخلت المطبخ .. وبغيت سكينة وإلا ملعقة .. اطب بوسط الدرج طب .. تقل فاره .. همن أطلع كل اللي بوه علشان أخذ اللي ابيه .. همن إذا بغيت فنجااااال أميل على الدولاب الثاااااااااني وأفتحه .. وماأدري الا هي فوق راسي .. يهالنشبة وش تبي انت هاللحين .. تدورن الفناجيل بدولاب القدور ياطباقة .. كل القدور اللي عندي مالهن طبايق بسببك .. وخر بس إطلع .. علمن وش تبي وأنا اجيبوه لك .. والا إذا اخذت شي ورحت للصالة وتبطحت عند المجد للأطفاااااااااااااااال .. تعاااااال شف الحوسه ... تشوفن معلقن البيالة بإصبع رجلي .. والملعقة اصيد به الذبابين .. والسكينه ماغير أشقق به بهالفرشة .. والسمااااااااط تقول قالطن عليه بقرة .. مهوب آدمي .. كله قشور وباقي غداء وعشاء .. يالبي حالتي حاااااااااله .. والله يخلي لنا بنات حواء .. وإلا كااااااااااان نمشي على زبايلنا من كثرهن .. سي يو ..

هههههههههههههههههههههههههههههههههههههههههههههههههه هههههههههههه :D

ما اقول الا الله يعين حريمك عليك