[مدحت شوقي بريده]

هلا بالبي وحيد القرن ..

( التعلق )

يالبي الصرااحة إن ظاهرة التعلق هذي مشكلة ماله حل ..

يعني تدخل حارتكم تبي تروح لبيتكم همن تناظر بالمراية ..
وتلقى بزارين الحارة كلهم متعلقين على الصدام ..

وش تسوي .. والله ياهم بلشة .. كود تاقف همن تنزل وتقعد تلاااحقهم بهالحارة ..
وتزاعق عليهم ..
هين يابراهيم خل امسك والله إني لاأغولك ..
وأنت ياسليمان والله لاأعلم عليك خالك منيرة ..

والفسحة عااااااد إذا صار راعي السيارة عجاز ..
يوقف همن يويق عليهم مع الدريشة ويقول لهم ..
ياعيال .. حولوا لاتطيحون همن تنفلقون فرقعين جدي ..

لا والخافي عليك أعظم يالبي .. طايحين هاللحين بحركة جديدة يادافع البلى ..
اللي معه سيكل يتعلق بالسيارة وهو يسوق السيكل .. همن ابلش بوه وشلون تمسكه هذا ..
مير هين سهله يالبي .. اضرب فرامل بقوة وخله ينقز وتعلق سنونه بحافة الصندوق ..

بس وش رايك يالبي انا اقول إن التعلق ( هواية )
المفروض الحكومة يدعمون هالهواية ويفتحون نااااااادي للتعلق ..
والله ياهي فله .. الدعوا خمس هيلوكسااااااااات وكم بزر .. وهذا النااااااااادي ..


<<((== احلف إن الصيعدي مفطرن تونة قاضيتن مدته .. :D :D :D


وحيد المعنى .. لي رجعة للموضوع ..